"تورکیه‌ده توریزم ۴ مؤوسوم حرکت‌لی"
تورکیه، خارجی توریستلر اوچون تعطیل نقطه‌لرینین باشیندا گلیر
تور اوپئراتورلاری پلاتفورمو سؤزجوسو جم پولات‌اوغلو، تورکیه‌ده توریزمین تکجه یای آیلاریندا دئییل، ۴ مؤوسوم حرکت‌لی اولدوغونو بیلدیردی.
ایستر ساحللری، ایسترسه ده قیش مؤوسومون‌ده‌کی مرکزلری تورکیه‌ده هر آن تعطیل ایمکانی اولدوغونا دقت چکن پولات‌اوغلو، بو اؤزللیکلری ایله تورکیه‌نین خارجی توریستلر اوچون تعطیل نقطه‌لرینین باشیندا گلدیگینی بیلدیردی.
دونیادا و بؤلگه‌ده‌کی گلیشمه‌لردن دولایی ۲۰۱۶ و ۲۰۱۷ مؤوسومون‌ده توریزم سئکتورو اولاراق پیس گونلر گئچیردیکلرینی ایفاده ائد‌ن پولات‌اوغلو،
"گئچدیگیمیز ایکی مؤوسوم آوروپالی توریست آنلامیندا دیبه وورموشدوق. آنجاق ۲۰۱۸ اوچون ائدیلن رزرواسیونلاردا اوروپالی توریست ساییسین‌دا جدی بیر آرتیش گؤزلییریک. آلمانلار، یونانلار، هلندلیلر و ایتالیالیلار رزرواسیون ائتمه‌یه باشلادیلار. گئچن ایله نیسبتن چوخ یاخشی بیر مؤوسوم بیزی گؤزله‌ییر. آوروپالی توریستلر یئنی‌دن تورکیه‌نی ترجیح ائتمه‌یه باشلادی" دئیه دانیشدی.
اؤتن مؤوسومه گؤره بو ایل اینگیلیس توریست ساییسین‌دا دا آرتیش اولاجاغینی وورغولایان پولات‌اوغلو، ۲۰۱۷ده بعضی سببلره گؤره لغو ائدیلن گمی تورلارینین بو ایل اوچون یئنی‌دن رزرواسیون ائتدیکلرینی ایفاده ائتدی.
تورکیه‌یه گلن روس توریستلرین ساییسینین اوچاق بحرانین‌دان قاباق ۴،۵ میلیون اولدوغونو آنجاق بحران سونراسی رقمین ۱۰۰-۱۵۰ مینه گئریله‌دیگینی بیلدیرن پولات‌اوغلو،
"یوخ کیمی بیر شئی‌دی. آنجاق بحرانین آشیلما‌سین‌دان سونرا رقم بو گونلرده ۳ میلیونا چاتدی. ۲۰۱۸ده ایسه ۴،۵ میلیون رقمینی گئچه‌جگیمیزه اینانیرام. بو آنکی رزرواسیونلار بونو گؤستریر" دئدی.
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
