تهران‌دا تورکیه-ایران اورتاق توپلانتی‌سی

تورکیه-ایران ۲۶.جی اورتاق اقتصادی توپلانتی‌سی، اقتصاد باخانی نیهاد زیبکچی و ایران صنایع، معد‌ن و تیجارت باخانی محمد شریعتمدارینین باشقانلیغیندا ایرانین باشکندی تهران‌دا گئچیریلدی.

زیبکچی، توپلانتینین قاپانیش اوتوروموندا ایکی اؤلکه آراسین‌دا اؤنملی قرارلار قبول اولوندوغونو بیلدیردی.

تورکیه و ایرانین گوج‌لو اقتصادی آلت‌یاپییا صاحب اولدوغونو قید ائد‌ن زیبکچی، ایکی اؤلکه آراسین‌دا یاراناجاق نهایی سربست تیجارت آنلاشما‌سینین دونیایا نومونه اولماسی لازیم اولدوغونو سؤیله‌دی.

اقتصاد باخانی زیبکچی، تورکیه و ایران آراسین‌دا یوزلرجه اورتاق شیرکتین اولوشدورولماسینی اومود ائتدیکلرینی و بونون ایکی قارداش اؤلکه آراسین‌دا یاراناجاق یئنی تجاری آنلاییشلا ممکون اولابیله‌جیینی وورغولادی.

توپلانتی‌‌دا، ایکی اؤلکه آراسین‌دا تکنیک خیدمت و مهندس‌لیک ساحه‌لرین‌ده ایللیک ۱۰ میلیارد دولار تیجارت حجمینین هدفلندیگی بیر آنلاشما‌نین ایمضالاندیغی بیلدیریلیر.