نفت باهالاشیر

بورسا هفته‌سی‌نین ایلک گونو روسیانین انرژی ناظیری‌‌نین آچیقلاما‌لاری نفتین باهالاشماسینا سبب اولوب. آلکساندر نواک بیلدیردی کی، بازاردا آرتیق بالانسین یارانماغا باشلادیغی موشاهیده اولونور، توپ‌لانان ذخیره لرین 50 فایزی ایسه آرتیق ایستیفاده ائدیلیب. ناظیر عینی زاماندا نفت سئکتورونا تاتیریملارین آرتماغا باشلادیغینی قئید ائدیب و بو اوچ عاملی اوره تیمین آزالدیلماسی حاقیندا راضیلاشمانین نتیجه‌سی آدلاندیریب. ناظیر بیلدیریب کی، پوزیتیو میل‌لره رغما بالانسین یارانماسینا چوخ وار، بو سبب‌دن گلوبال نفت آنلاشماسی‌نین مودتینی آرتیرماق واجیب‌دیر.

روسیانین قراری دستکلمه‌سی خبرین‌دن سونرا بورسالاردا نفتین قیمتی باهالاشماغا باشلاییب. حاضیردا "برنت" مارکا‌لی نفتین بیر بوشقاسی 63،9 دو‌لاردان ساتیلیر، غربی تگزاس نفتی ایسه 58،73 دو‌لارا تکلیف اولونور. ایکی مارکا آراسیندا فرق 5 دو‌لاردان آرتیق‌دیر، اوپک-ین وین گؤروشو عرفه سینده بو فرقین 7 دو‌لارا کیمی آرتاجاغی تخمین ائدیلیر.  

بو گون نفت متخصصلری‌نین آمریکانین نفت ذخیره لری‌نین حجمینه دایر تخمینلری آچیق‌لانا‌جاق. بو تخمینلر بیر قایدا اولا‌راق قیمت‌لره تأثیر ائدیر. بون‌دان باشقا آمریکادا نفت بورو کمرینده باش وئرن قضا بو گون قیمت‌لره تأثیر ائده‌جک عامل‌لردن ساییلا بیلر.