نفتین قیمتی ثابیتلشیر

بورسالاردا نفتین قیمتی 63-64 دو‌لار اطرافیندا ثابیتلشیر. سون 24 ساعت عرضینده "برنت" مارکا‌لی نفتین بیر بوشقاسی‌نین ماکسیموم قیمتی 64،12 دو‌لار تشکیل ائدیب. سحر سئانس‌لاریندا ایسه قیمت‌لر 63،83 دو‌لارا کیمی اوجوزلاشیب. غربی تگزاس نفتی‌نین قیمتینده آنالوژی وضعیت موشاهیده اولونوب. آخشام سئانس‌لاریندا 57،38 دو‌لاردان ساتیلان WTİ نفتی سحر کئچیریلن تیجارت معامله لرینده 57،09 دو‌لارا تکلیف اولونور.

بو گون "Baker Hughes"  شیرکتی اؤلکه‌ده نفت اوره تیمینه جلب اولونان قویولارین سایینا دایر راپورو آچیقلایا‌جاق. قویولارین سایی‌نین آزالماسی بو هفته ده داوام ائدرسه، بورسالاردا هفته‌نین سون تیجارت معامله لرینده قیمت‌لرین 65 دو‌لارا کیمی یوکسلمه احتیمالی وار. سعودی عربیستانین‌دان گلن خبرلر ده نفتین قیمت‌لرینی دستکلمکده داوام ائدیر. اؤلکه‌ده حبس اولونان شاهزاده، سابیق ناظیر و میلیاردرلرین سایی‌نین 200 نفری کئچمه‌سی دونیانین ان بؤیوک نفت صادراتچیسی اولان سعودی ‌ده بحرانین داوام ائتمه‌سی کیمی دیرلندیریلیر.