گدلک تورشوسو دونیا سفرهلرینده
تورکیهده و خاریجده تورشوسو ایله مشهور اولان بورسانین اورحان غازی قصبه سینین گدلک محلهسینده کی ایش یئرلرینده و ائولرده تورشو اوره تیلیر
![گدلک تورشوسو دونیا سفرهلرینده](http://cdn.trt.net.tr/images/xlarge/rectangle/04af/422d/7309/59f841b64f846.jpg?time=1719068107)
تورکیهده و خاریجده تورشوسو ایله مشهور اولان بورسانین اورحان غازی قصبه سینین گدلک محلهسینده کی ایش یئرلرینده و ائولرده تورشو اوره تیلیر.
کئچمیشده کند اولان، تخمینن 1800 نفرین یاشادیغی محلهده ایریلی-خیردالی 70 ایش یئرینده اوره تیلن تورشولار ایچ و خاریجی بازارلارا گؤندریلیر.
گدلک محلهسینین موختاری محمت دؤنمز محلهلرینین "تورشونون مرکزی"آدلاندیریلدیغینی بیلدیرهرک:" داها اوّل کند ایستاتوسوندا اولان گدلکده سون 60 ایلدیر کی، تورشو ایشی ایله مشغول اولمایان اینسان یوخدور. بورادا تورشو سئکتورو هر گون داها دا اینکیشاف ائدیر" دئدی.
دؤنمز سوریه-لی قاچقینلارین ده بولگه لرینده تورشو اوره تن ایش یئرلرینده ایشلهدیکلرینی وورغولادی.
سون ایللرده اورحان غازی بلدیهسی و اورحان غازی تیجارت و صنایع اتاقی نین بؤیوک دستک گؤستردیگینی قئید ائدن دؤنمز جوغرافی ایشاره و آد حقوقونا مالیک اولدوقلارینی، هر تورشونون "گدلک" مارکاسی ایله ساتیلمایاجاغینی سؤیلهدی.
تورکیهنین هر بؤلگهسیندن محلهلرینه سبزه گلدیگینی دیله گتیرن دؤنمز: "بورسا، بالیکسیر، چاناققالا، آفیون کاراحیصار، آنتالیا، غازی آنتپ، ایزمیر، آنتالیادان سبزه گلیر، بورادا تورشو اولور. سونرا بو تورشولار تورکیهنین ان اوجقار نقطهسینه قدر گئدیر. بوندان باشقا، آذربایجان، گورجوستان، قطر، سعودی عربیستانی و آلمانیا کیمی اؤلکهلرده ده تورشولاریمیز ساتیلیر" دئدی.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1719068107)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.