"علی بابا" دونیانین ان بؤیوک الکترون تیجارت شیرکتی‌دیر

چین-ین بؤیوک الکترون تیجارت شیرکتی " Alibaba " رقیبی "آمازون"و  اوسته‌له‌یه‌رک دونیانین ان بؤیوک الکترون تیجارت شیرکتی اولوب.

اؤتن گون بورسالاردا آکسیا‌لاری‌نین قیمتی 1،2 فایز قالخان "علی بابا"نین بازار دیری 472،1 میلیارد آمریکا دلارینی اؤتوب. پارالل اولا‌راق "آمازون"ون آکسیا‌لاری‌نین قیمتی 0،87 فایز اوجوزلاشا‌راق عمومی بازار دیری 471،9 میلیارد دو‌لارا دوشوب.

متخصص‌لر بو اوغورو "علی بابا"نین الکترون تیجارت بازاریندا سون ایکی ایلده سرعتله ایره‌لیلمه‌سی‌نین منطقی نتیجه‌سی کیمی دیرلندیریرلر. بو ایلین ژانویه دن بری نیویورک فوند بورساسیندا "علی بابا" 100 فایز دیر قازاندیغی حالدا، "آمازون"دا بو گؤستریجی جمعی 30 فایز اولوب. چین شیرکتی‌نین خالص گلیری ژوئن آییندا کئچن ایلین عینی دؤورو ایله موقاییسه‌ده 96 فایز آرتا‌راق 2،1 میلیارد دو‌لارا چاتیب. "علی بابا"نین الکترون خیدمت‌لرین‌دن یارارلانان‌لارین سایی 466 میلیون نفره چاتیب کی، بو دا چین اها‌لی‌سی‌نین تخمینن اوچده بیرینی تشکیل ائدیر.