بو اولکه ده ناغد پول اولمایاجاق

2030 -جی ایله کیمی سوئد-ده ناغد پول‌لار دؤوریه‌دن چیخاریلا‌جاق. بو باره‌ده معلومات سوئد-ین تکنیکی اونیورسیته سینین آراشدیریلماسیندا بیلدیریلیب. قئید ائدک کی، آراشدیرمادا 740-دان چوخ شیرکتین نماینده‌سی ایشتیراک ائدیب. اگر تخمینلر اؤزونون دوغرولتسا اوندا سوئد ناغد پول‌دان ایمتینا ائتمیش ایلک اؤلکه اولا‌جاق. معلوماتدا بیلدیرلیر کی، حاضیردا ناغدسیز عملیات‌لاردا ان چوخ ماراغی اولان دا ائله سوئد وطنداش‌لاری‌دیر. اونیورسیته‌نین علمی آراشدیرماچی‌سی نیکلوس آرویدسون بانک‌لار اوچون ناغد پوللا ایشلمه‌ین علاوه خرج اولدوغونو بیلدیریب. حاضیردا سوئد-ده ناغدسز عملیات‌لارین 80 % تشکیل ائتدیگی بیلدیریلیر. سوئد-ده یالنیز یاش‌لی‌لار و قاچقینلارین ناغد پول‌دان ایستیفاده ائتدیگی بیلدیریلیر.

آرویدسونون سؤزلرینه گؤره ناغدسیز عملیات‌لارا موناسیبت هر اؤلکه‌ده بیر جوردور. او آلمانیادا اینسان‌لارین ناغد عملیات‌لارا داها چوخ اوستونلوک وئردیک‌لرینی بیلدیریب. بونا سبب اینسان‌لارین اؤز پول وسایت‌لرینی کنار "گؤزدن" گیزلتمک ایستیی‌دیر.

همچنین متخصصلر قئید ائدیرلر کی، ناغدسیز عملیات‌لار جدی شکیلده قورونما مکانیزمی‌نین اولما‌لی اولدوغو بیلدیریلیر. بئله کی، الکترون سیستم‌لرین سیرا‌دان چیخدیغی زامان ائله اولما‌لی‌دیر کی، اینسان‌لار یئنه اؤز پول‌لاری ایله اؤدنیش ائده بیلسین‌لر. همچنین متخصصلر پلاستیک کارت‌لارلا اؤدنیشین ائله بانک‌لار اوچون ده صرفه‌لی اولدوغونو و بو سیستمین بانک‌لارا گلیر گتیردیگینی قئید ائدیب.