"ایرانین عضو اولماسینین واختی گلدی"
اوشاکوو: روسیا، ایرانین مراجعتینی مثبت دگرلندیرمک اوچون بوتون شرطلرین اولوشدوغونو دوشونور
روسیا دؤولت باشقانی کؤمکچیسی یوری اوشاکوو، ایرانین شانگهای امکداشلیق تشکیلاتینا عضو اولماسینین واختینین گلدیگینی دوشوندوکلرینی سؤیلهدی.
ایرانین تشکیلاتا عضولوک اوچون مراجعتی دگرلندیرن اوشاکوو،
"روسیا، ایرانین مراجعتینی مثبت دگرلندیرمک اوچون بوتون شرطلرین اولوشدوغونو دوشونور" دئدی.
اؤته یاندان اوشاکوو، هیندیستان و پاکیستانین تشکیلاتا عضولوگونون تشکیلاتین نفوذونو جدی شکیلده آرتیراجاغینی قید ائتدی.
هیندیستان و پاکیستانین عضولوگونون تشکیلات اوچون یئنی بیر مرحلهنین باشلانغیجی اولاجاغینی ایفاده ائدن اوشاکوو،
"بو عضولوکلرین گرچکلشمهسی نتیجهسینده، عضو اؤلکهلرین توپلام مساحتی دونیانین یوزده 23ونه برابر اولاجاق، دونیا اهالیسینین یاریسینا یاخینی تشکیلاتا ایشتیراک ائدهجک و قلوبال غیر صافی یورد ایچی گلیرین تخمینا دؤردده بیری تشکیلات ایچینده اولوشاجاق" شکلینده دانیشدی.
ایران ارتباطات باخانی محمود وعظی ده داها اؤنجه، اؤلکهسینین شانگهای امکداشلیق تشکیلاتینا تام عضو اولما یولوندا قرارلی آددیملار آتاجاغینی بیلدیرمیشدی.
ایلگیلیلی خبرلر
تورکیه-نین روسیا-یا حاضیر گئییم محصوللاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصوللاری صادراتی آزالیب.