تورکیه‌ده بیرباشا خاریجی یاتیریم 5 قات آرتدی

تورکیه‌نین بیرباشا خاریجی یاتیریم پروژه‌لری سون 10 ایلده تخمینن 5 قات آرتدی.

اولوسلارآراسی یوخلاما و مصلحت شیرکتی EY-نین دونیا ایچینده 505 یؤنئتیجیله آپاریلان دانیشیق‌لار نتیجه‌سینده میدانا گتیردیگی آوروپا یاتیریم چکیجی‌لیگی 2017 آراشدیرماسی‌نین معلومات‌لارینا گؤره، تورکیه‌یه ائدیلن بیرباشا خاریجی یاتیریم‌لار 2016دا بیر اوّلکی ایله گؤره یوزده 3 آرتا‌راق 138ه یوکسلدی.

تورکیه‌یه یؤنلیک سون 10 ایلده ائدیلن بیرباشا خاریجی یاتیریم سایین‌داکی دییشمه‌یه باخیلدیغیندا، 2006-جی ایلده 28 اولان پروژه ساییسی، کئچن ایل 138ه چاتا‌راق تخمینن 5 قات آرتیم قید ائتدی.

2015-جی ایلده پروژه‌لر اوچون 2 مین 971 یئنی ایستیخدام یارادیلارکن، بو رقم کئچن ایل یوزده 142 آرتیملا 7 مین 179،ا چاتدی. بئله‌جه بیر ایللیک مدتده 4 مین 208 یئنی ایستیخدام یارادیلدی.

اولوسلارآراسی یوخلاما و مصلحت شیرکتی EY تورکیه بیزنئس مالیه بؤلوم باشقانی موشفیق جانتکینلر،

"تورکیه‌نین گنج اها‌لی‌سی، توکتیم عادت‌لری، صاحیبکارلیق مدنیتی و جوغرافی موقعیتی هر دؤورده خاریجی یاتیریمچیلار اوچون دقت چکیچی. بو عنصورلارین ایقتیصادی بؤیومه و دوغرو یاتیریم سیاستی ایله دستکلنمه‌سی حالیندا خاریجی یاتیریم‌لار آرتا‌راق داوام ائده‌جک." دئدی.