نفت باهالاشیر
اوپک اجلاسی عرفه سینده نفت باهالاشیر، "برنت" نفتی 54 دولاردان ساتیلیر.
![نفت باهالاشیر](http://cdn.trt.net.tr/images/xlarge/rectangle/7ef6/c960/08c1/58ec988ed166b.jpg?time=1719337144)
اوپک-ین تشببوسو ایله نفت اوره تیمینین داها 9 آی مودتینه آزالدیلماسی تشببوسونون بو هفته رسمیلشمهسی گؤزلنیلیر. روسیا و سعودی عربیستانی بو تشببوسو رسمن تصدیقلهسهلر ده، اوپک-ده کی منبعلر سناریونون تام دقیق لشمهدیگینی، یئنی سورپریزلرین اولا بیله جگینی دئییرلر.
بو آچیقلامالار نفتین بازار قیمتینه مثبت تأثیر گؤستردی. هفتهنین ایلک سئانسلاریندا "برنت" مارکالی نفتین بیر بوشقاسی 54،04 دولاردان ساتیلیب، غربی تگزاس نفتی ایسه 51،22 دولاردان تکلیف اولونور. قیمتلرین آرتیم ترندینه گیرمهسی "برنت" نفتینین گونون سونونا کیمی 55 دولار حدینی کئچهجگی احتیمالینی آرتیریر.بو هفته نفتین قیمتی اوپک-ین وین گؤروشوندن گؤزلنتیلر آلتیندا فورمالاشاجاق. گؤروش میین 25-ده کئچیریلهجک، نتیجهلر بورسا هفتهسینین باشا چاتماسینا بیر نئچه ساعت قالمیش آچیقلاناجاق. بو سببدن آمریکا-نین نفت ذخیره لرینین حجمینه دایر رسمی و غیری-رسمی راپورلارین بو هفته نفتین قیمتینه داواملی تأثیر ائتمه ایمکانی ضعیف ساییلیر.