نفت کسکین اوجوزلاشدی

بورسالاردا دونن گونورتا ساعاتلاریندان باشلایان "نفت شوکو" داوام ائتمکده‌دیر.

دونن سحر سئانس‌لاریندا "برنت" مارکا‌لی نفتین قیمتی 50،98 دو‌لار اولوب، بو گون سحر کئچیریلن حراج‌لاردا ایسه قیمت 46،72 دول‌لارا ائنیب.

غربی تگزاس نفتی ده سرعتله اوجوزلاشیر. سون 24 ساعت عرضینده 3،8 دو‌لار دیر ایتیرن WTİ نفتی‌نین بیر بوشقاسی حاضردا 43،88 دو‌لارا ساتیلیر.

گون عرضینده تخمینن 9% اوجوزلاشان نفت دو‌لارین کورسونا دا جدی تأثیر گؤستردی. دو‌لارلا یاناشی نفت ارزلری ساییلان روبل، استرالیا دو‌لاری و کانادا دو‌لاری دا دیگر ارزلر قارشی‌سیندا سرعتله دیر ایتیریر.

نفتین اوجوزلاشماسی‌نین اساس سبب‌لری آمریکا-دان قایناق‌لانیر. امریکا انرژی ناظیرلیگی‌نین سون راپورونا اساساً، اؤلکه‌ده بنزین مصرفی گؤزلنیلن سویه‌دن آشاغی‌دیر، بون‌دان باشقا اؤلکه‌نین نفت ذخیره لرینین حجمی آزالسا دا، یئنه یوکسک سویه‌لرده قالیر، دیگر طرف‌دن آمریکا-دا نفت اوره تیمی آرتیق 11 هفته‌دیر آرتیر. بو عامل‌لر اوپک-ین بازارا تأثیرینی کیفایت قدر آزال‌دیر، آمریکا-اوپک رقابتینده بیرینجی‌نین اوستون‌لوگو قیمت‌لره منفی تأثیر ائدیر.