تورکیه انرژی گذرگاهیندا اهمیتلی بیر کئچید نقطهسیدیر
آمریکانین انرژی اینفوماسیون ایدارهسینین راپوروندا اورتا آسیا، روسیا و اورتا دوغو انرژی قایناقلارینین آوروپا و دیگر اؤلکهلره نقل اولونماسیندا تورکیهنین واجیب بیر کئچید نقطهسی اولدوغو قئید ائدیلیر.
آمریکانین انرژی اینفوماسیون ایدارهسینین راپوروندا اورتا آسیا، روسیا و اورتا دوغو انرژی قایناقلارینین آوروپا و دیگر اؤلکهلره نقل اولونماسیندا تورکیهنین واجیب بیر کئچید نقطهسی اولدوغو قئید ائدیلیر.
سون 10 ایلده تورکیه ایقتیصادیاتینین اینکیشاف ائتدیگی و بونون نفت و دیگر مایع یاناجاق مصرفی نین آرتیردیغی دا قئید اولونور.
آمریکا انرژی اینفورماسیون ایدارهسینین راپوروندا ایستانبول و چاناققالا بوغازلارینین دونیانین ان ایشلک بوغازلاری آراسیندا اولدوغونا و اهمیتینین آرتدیغینا دقت چکیلیر.
راپوردا بوغازلاردان 2015-جی ایلده گونده 2 میلیون بوشقا خام نفت و 500 مین بوشقا ده نفت محصولو کئچدیگی بارهده معلومات وئریلیر.
نفتین دنیز یولو ایله یاناشی باکی-تیفلیس-جیهان و عراق-ین قوزییندن بورو خطلری واسیطهسی نقل اولوندوغو خاطیرلادیلیر.
تورکیهنین طبیعی قازدا دا استراتژی رولا مالیک اولدوغو و دونیانین ان بؤیوک ایکینجی طبیعی قاز توکه تیجیسی اولان آوروپا قاره سی ایله خزر دنیزی و اورتا دوغو آراسیندا کؤرپو اولدوغو ووغولانیر.
راپوردا تورکیهنین آک کویو، سینوپ و یئری هله معین اولونمایان اوچونجو بیر نقطهده آتوم الکتریک سانترال اینشا ائدجگی و بونونلا دا تورکیهنین انرژی مسئلهسینده خاریجدن آسیلیلیغینین آزالاجاغی قئید اولونور.
ایلگیلیلی خبرلر
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.