آوجی:"تورکیه توریزم ساحهسینده دونیادا 6-جی یئردهدیر"
مدنیت و توریزم ناظیری نابی آوجی پایتاخت آنکارادا داوام ائدن 9-جو ائچیلر کونفرانسیندا چیخیش ائدهرک، ائچیلره تورکیهنین تانیتیمینا وئردیکلری دستکلره گؤره تشککور ائتدی.
مدنیت و توریزم ناظیری نابی آوجی پایتاخت آنکارادا داوام ائدن 9-جو ائچیلر کونفرانسیندا چیخیش ائدهرک، ائچیلره تورکیهنین تانیتیمینا وئردیکلری دستکلره گؤره تشککور ائتدی.
آوجی تورکیهنین توریزمده روسیا، اینگیلتره و آلمانیا بازارلاری ایله اؤزونو محدود ائتمهمهسی، آرخایین اولماماسی، دییشیک بازارلارا و سئکتورلارا اوز توتماسینین واجیبلیگینی دیله گتیردی.
تورکیهنین توریزم ساحهسینده استثنا خصوصیتلره صاحب اولدوغونو وورغولایان ناظیر دئدی کی، توریزم ساحهسینده دونیادا 6، آوروپادا ایسه 4-جو یئرده یک. ایلک اوچ یئرده اولماماق اوچون هئچ بیر سبب یوخدور. بونون اوچون بوتون شرطلریمیز موجوددور. رقیبلریمیزه گؤره بیر سیرا اوستونلوکلریمیز ده وار، بونو هم بیز هم ده اونلار بیلیر.
توریزمده بو ایل اوچون گوزلنتیلرین یاخشی اولدوغونو دیله گتیرن نابی آوجی قئید ائتدی کی، بونون سببلریندن بیری کئچن ایل تورکیهیه گلمهینلر باشقا اؤلکهیه ده گئتمهدی. دیگر سبب ایسه آلمانیا و اینگیلترهده سیاحت شیرکتلرینین آراشدیرمالارینین نتیجهسیدیر. چونکی تورکیهیه گلن توریستلر اؤلکهمیزدکی اوستونلوکلری گؤرور، بونلاری باشقا اؤلکهلرده گؤره بیلمیرلر. همچنین تورکیهنین توریزم ساحهسینده صاحب اولدوغو موختلیفلیک ده اونوتولمامالیدیر.
ایلگیلیلی خبرلر
تورکیه-نین روسیا-یا حاضیر گئییم محصوللاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصوللاری صادراتی آزالیب.