تورکیه جمهوریت مرکز بانکی ایله چین مرکز بانکی آراسیندا ایلک پول موبادیله‌سی اولدو

تورکیه جمهوریت مرکز بانکی (TCMB) ایله چین مرکز بانکی آراسیندا ایلک پول موبادیله‌سی رئاللاشدیریلدی.

مرکز بانکی و بانک سکتورو قایناقلاریندان‌ آلینان بیلیلره گؤره، پرزیدنت رجب طیب اردوغانین دقتی چکدیگی و بیر مدت‌دیر گوندمده اولان "خاریجی تیجارتده میللی پول‌لارین ایستیفاده ائدیلمه‌سی" موضوعسو هر قروبدان دستک تاپارکن، چین ایله تورکیه مرکز بانک‌لاری آراسیندا ایلک پول موبادیله‌سی عملیاتی 30 نوامبر 2016 ' دا ائدیلدی. هله ده ایجرا‌ده اولان 2012-جی ایل تاریخ‌لی پول موبادیله‌سی راضیلاشماسی، 2015-جی ایلده 3 ایل مدتینه اوزادیلمیش و آنلاشمانین مبلغی 12 میلیارد یوانا یوکسلدیلمیشدی.

یئرلی بیر بانکین اکثریت سهام‌لارینی گؤتوره‌رک تورکیه‌ده فعالیته کئچن ایلک چین بانکی اولان و 22 می 2015-دن بو یانا تورکیه‌ده خیدمت وئرن ICBC تورکیه بانک، تورکیه و چین آراسین‌داکی تیجارت حجمی‌نین گلیشمه‌سینه یؤنلیک مرکز بانک‌لاری آراسیندا ائدیلن آنلاشمانی حیاتا کئچیرن ایلک تشکیلات اولدو .

تورکیه‌نین، ان بؤیوک تیجارت اورتاقلاریندان‌ چین خالق جمهوریتسی ایله کئچن ایل 28 میلیارد دول‌لار مبلغینده خاریجی تیجارت حجمی وار. پول موبادیله‌سی راضیلاشماسی ایله ایکی اؤلکه آراسیندا جاری تارازلیغین تامین ائدیلمه‌سی، تیجارت و یاتیریمدا میللی پول‌لارین ایستیفاده ائدیلمه‌سی هدف‌لنیر.

پول موبادیله‌سی پروسسی، تیجارت بانک‌لار طرفین‌دن مرکزی بانکین‌دان یاتیریم و یا تیجارت ائدیله‌جک اؤلکه‌نین پول واحیدی طلب ائتمسیله باشلاییر. پروسه، مرکز بانک‌لاری‌نین تعیین اولونان مبلغ‌دن میللی پولو معین بیر تاریخ ایله دییشدیرمه‌سی و معین بیر مدت سونوندا دییش‌دیریلن آناپارا‌لار و ایستیفاده ائدیلن میللی پولا عایید فایزین ده گئری وئریلمه‌سینی ایچه‌رن بیر عملیات اولا‌راق تعیین اولونور.