یاتیریمجیلار تورکیه آوروپا بیرلیگی موناسیبتلرینه مثبت باخیرلار
یاتیریمجیلارا گؤره اوزون موتده تورکیه آوروپا بیرلیگی‌نین دیرلر سیستمی ایچینده یئر آلماغا داوام ائده‌جک.
آوروپا یاتیریمجیلاری تورکیه-آوروپا بیرلیگی موناسیبت‌لری موضوع سوندا نیک بین‌دیرلر.
جمعی تیجارت حجمی 100 میلیارد دو‌لاردان چوخ اولان تورکیه ایله آوروپا بیرلیگی آراسینداکی گرگین‌لیگین یاشاندیغی بیر زاماندا دقت‌لر 15-16 دسامبر تاریخ‌لرینده کئچیریله‌جک آوروپا لیدئرلر ذیروه سینده قبول اولونا‌جاق قرارلارا یؤنلدی.
ایقتیصادچیلار و ایش آداملاری ساغلام دوشونجه‌نین غالیب گله‌جگینی دوشونورلر.
یاتیریمجیلارا گؤره اوزون موتده تورکیه آوروپا بیرلیگی‌نین دیرلر سیستمی ایچینده یئر آلماغا داوام ائده‌جک.
آوروپا اؤلکه‌لری تورکیه ایقتیصادیاتی‌نین ان اهمیت‌لی تیجاری اورتاقی دیر.
تورکیه صادراتینین 49%-نی، وارداتینین ایسه 39%-نی آوروپا بیرلیگی ایله حیاتا کئچیریر. آوروپا ایقتیصادیاتین‌داکی بؤیومه ایسه تورکیه ایقتیصادیاتینا بیر باشا مثبت شکیلده تاثیر ائدیر. تورکیه ایستاتیستیک قورومونون (TÜİK) معلومات‌لارینا گؤره، تورکیه‌نین آوروپا بیرلیگی اولکه لرینه صادراتی 2016-جی ایلین ایلک 9 آیین‌دان اعتباراً 49 % سویه‌سینده‌دیر. یعنی تورکیه تخمینن 150 میلیارد دو‌لارلیق صادراتینین یاری‌سینی آوروپا بیرلیگی اولکه لرینه ائدیر.
جمعی خاریجی تیجارت حجمینه باخدیقدا ایسه، تورکیه ایله آوروپا بیرلیگی آراسینداکی صادرات –واردات حجمی‌نین ایللیک 120 میلیارد دولار سویه‌سینده اولدوغو گؤرونور. بو رقم‌لر هر ایل آرتیر.
