آوروپا و کانادا آراسیندا گئنیش اقتصادی و تیجارت آنلاشماسی ایمضالانیب

آوروپا بیرلیگی و کانادا آراسیندا گئنیش اقتصادی و تیجارت آنلاشماسی (CETA) بلژیک‌ین باشکندی بوکسل‌ده ایمضالانیب.

ایمضا مراسیمینه، آوروپا بیرلیگی شورا صدری دونالد توسک، کانادا باش ناظیری جاستین ترودو و آوروپا بیرلیگی کومیسیونو باشقانی ژان-کلود یونکر  قاتیلدی.

تخمینن 7 ایلدیر موذاکیره ائدیلن سربست تیجارت راضیلاشماسی، والونیا بؤلگه‌سین‌دن تصدیق آلا بیلمه‌ین بلژیک فدرال حکومتی‌نین ایمضا قویاماماسینا یول آچیردی.

بو سببله، سربست تیجارت آنلاشماسی‌نین ایمضالانماسی جمعه آخشامی گونو لغو ائدیلمیشدی.

آنجاق جمعه گونو والون میللت وکیل‌لری، جمعه گونو، بعضی ایمتیازلار قارشیلیغیندا، آنلاشماغا یاشیل ایشیق یاندیرمیشدی.

گئنیش اقتصادی و تیجارت سازیشی ایجرا‌یه گیردیگینده، آوروپا بیرلیگی ایله کانادا آراسین‌داکی گؤمروک وئرگی‌لری‌نین یوزده 98ی‌نین قالدیریلماسی گؤزلنیلیر.

گومروکلرین قالدیریلیب ایستاندارد‌لارین اویوملاشدیریلماسییلا هر ایکی طرفه ده اوستونلوک‌لر قازان‌دیرا‌جاق اولان سربست تیجارت آنلاشماسییلا باغلی موذاکیره‌لر 2009-جی ایلده باشلادیلمیشدی.

گئنیش اقتصادی و تیجارت آنلاشماسیدان یانا اولان‌لار سربست تیجارتین اقتصادی بؤیومه‌یه چالیشاجاغینی مدافعه ائدرکن، قارشی چیخان‌لار ایسه تروست ایشینه یارایاجاغینی و اقتصادی قورولوشو ضعیف بؤلگه‌لری دزاوانتاژلی وضعیته سالاجاغینی قارشییا قویوردولار.