روس توریست‌لرین تورکیه‌یه سفرینده بؤیوک آرتیم وار
روسیانین توریزم شیرکت‌لری بیرلیگی (ATOR) آچیقلادی کی، سون حادثه‌لره باخمایا‌راق اؤلکه‌دن تورکیه‌یه سیاحتده بؤیوک آرتیم مشاهده اولونور.
542401
روسیانین توریزم شیرکت‌لری بیرلیگی (ATOR) آچیقلادی کی، سون حادثه‌لره باخمایا‌راق اؤلکه‌دن تورکیه‌یه سیاحتده بؤیوک آرتیم مشاهده اولونور.
بیرلیگین رسمی اینترنت سایتیندا یئر آلان آچیقلامادا قئید اولونور کی، روسیا‌لی توریست‌لر داها چوخ آنتالیا، بودروم و دالامانا اوستونلوک وئریرلر.
خاطیرلاداق کی، اؤتن هفته روسیا سیویل هواجیلیک قورومو تورکیه ایستیقامتینده اوچوش‌لارا تطبیق اولونان محدودلایتی آرا‌دان قالدیریلدیغینی آچیقلامیشدی. دیگر طرف‌دن ایسه تورکیه‌یه چارتر تیپلی اوچوش‌لارا قویولان محدودیت هله ده قوه‌ده‌دیر. مسئله‌نین دؤولت باشچی‌لاری، رجب طیب اردوغان و ولادیمیر پوتین‌‌نین آگوستون 9-دا سن‌پتربورگ‌دا رئال‌لاشا‌جاق گؤروشونده موذاکیره ائدیله‌جگیی گؤزله‌نیلیر.
