حسن روحانی: اقتصادی دورغون‌لوغون آشیلماسی‌ اؤلکه‌نین اؤنجه‌لیک پروبلم‌لری آراسیندا

ایران پرزیدنتی حسن روحانی، اقتصادی دورغون‌لوغون آشیلماسینین اؤلکه‌نین اؤنجه‌لیک پروبلم‌لری آراسیندا یئر آلدیغینی سؤیله‌دی.

مجلیسین 10-جو دؤور ایلک ایجلاسیندا دانیشان روحانی، دینی لیدر علی خامنه‌ای‌نین تطبیق اولونماسی تعلیماتینی وئردیگی "مقاومت اقتصادی" پروقرامین‌داکی یوزده 8 قالخینما سرعتینی توتماق مجبوریتینده اولدوق‌لارینی ایفاده ائده‌رک، بونون یالنیز نفت گلیرلریله مومکون اولمادیغینی وورغولادی.

روحانی، بونون اوچون ایلده 30 ایله 50 میلیارد دو‌لار آراسیندا خاریجی سرمایه گلمه‌سینه احتیاج‌لاری‌نین اولدوغونو قید ائتدی.

گلیری‌نین یوزده 70 ایله 80-ی نفته دایانان ایران، نفت قیمت‌لرین‌دکی ائنیش و تطبیق اولونان تحریم‌لر سببیله یاشادیغی اقتصادی بحران‌دان چیخمانین یول‌لارینی آختاریر.

رفورمیست و مولاییم محافیظه‌کارلارا یاخینلیغییلا بیلینن روحانی، خاریجی سرمایه‌نین اؤلکه‌یه گیریشینی بحران‌دان چیخمانین شرط‌لرین‌دن بیری اولا‌راق گؤررکن، محافیظه‌کارلار رژیم اوچون تهدید اولاجاغی ادعاسییلا بونا قارشی چیخیر.