سعودی عربیستان‌ین دولت نفت شیرکتی آرامکو خالقا عرض ائدیلیر

سعودی عربیستان‌ین دولت نفت شیرکتی آرامکو (Aramco) خالقا عرض ائدیلیر.

ایکینجی ولیعهد شاهزاده و ساوونما ناظیری محمد بن سالمان، العربی‌یه کانالینا ائتدیگی آچیقلامادا؛

"آرامکو بیر هولدینگه چئوریلمه‌سی‌نین آردین‌دان حیسه‌لری‌نین یوزده 5دن آزی و داها سونرا باغلی شیرکت‌لر ده خالقا آچیلا‌جاق." دئدی.

دونیانین ان بؤیوک نفت شیرکتی آرامکونون مقدس حسابلانماسی‌نین تهلوکه میدانا گتیردیگینه دقت چکن شاهزاده محمد، اؤلکه‌سی‌نین نفته آسیلی‌لیغی‌نین، اینکیشافین قارشی‌سیندا بیر مانع اولدوغونو سؤیله‌دی.

سعودی عربیستان‌نین ظهران شهرینده اولان شیرکت، ایلک نفت قویوسونو 1935-جی ایلده آچدی.

فیرمانین 261 میلیارد بوشکا نفتی اولدوغو بیلینیر.

بو میقدار، ان بؤیوک آمریکا نفت شیرکتی‌نین پوتانسیلیندن 10 قات داها چوخ.

دونیادا چیخاریلان 8 بوشکا نفت‌دن بیرینی چیخاران آرامکونون، 60 مین‌دن چوخ ایشچی‌سی وار.