روسیا فدرال ایستاتیستیک دایرهسی: ایشسیزلیک آرتارکن،اوره تیم دوش
ایشسیزلیک ایسه اوکتوبر آییندا یوزده 5،5 ایکن، نوامبر آییندا یوزده 5،8ه یوکسلدی
![روسیا فدرال ایستاتیستیک دایرهسی: ایشسیزلیک آرتارکن،اوره تیم دوش](http://cdn.trt.net.tr/images/xlarge/rectangle/10-11/Files/UploadedImages/7517891639usyadaisizlikartyorretimgeriliyor.jpg?time=1719132147)
روسیا فدرال ایستاتیستیک دایرهسی (ROSSTAT) طرفیندن یایینلانان معلوماتلارا گؤره، اؤلکهده ایشسیزلیک آرتارکن، پراکنده ساتیشلار و صنایع اوره تیمی دوشمهیه داوام ائدیر.
ROSSTAT طرفیندن یایینلانان معلوماتلارا گؤره، پراکنده ساتیشلاری، بازار تخمینی اولان یوزده 11،5 یئرینه ایلدن ایله یوزده 13،1 دوشرکن، 2،366 تریلیون روبلا (33،5 میلیارد دولار) گئریلهدی، حقیقی اوجرت حاقی ایسه یوزده 9 آزالدی.
ایشسیزلیک ایسه اوکتوبر آییندا یوزده 5،5 ایکن، نوامبر آییندا یوزده 5،8ه یوکسلدی. بئلهلیکله ایشسیزلرین سایسی 4 میلیون 435 مینه چیخدی.
روس صنایع اورهتیمی ایسه ایللیک بازدا یوزده 3،5 آزالارکن بازار تخمینلری بو ائنیشین یوزده 2،9 سویهسینده اولاجاغی ایستیقامتینده ایدی.
روسیا دولت باشقانی ولادیمیر پوتین، دونن رئاللاشدیردیغی مطبوعات کونفرانسیندا، رقملرین، روسیانین اقتصادی بحراندا ان دیب نقطهدن خلاص گؤستردیگینی مدافعه ائتمیشدی.
دیگر طرفدن، آلمانین روسیا ایله خاریجی تیجارتینین، روسیایا تطبیق ائتدیگی تحریملردن اؤتورو 2016-جی ایلده دارالماسی گؤزلنیلیر.
آلمان صنایع و تیجارت اوتاغی باشقان وکیلی وولکر تریر، باشکند برلینده ائتدیگی آچیقلامادا، روسیایا صادراتین گلهجک ایل یوزده 5 دارالاجاغینی ایفاده ائدهرک، بو دارالما روسیایا تطبیق اولونان تحریملرین یانیندا روس اقتصادینین نفت قیمتلرینین سالینماسی اوزوندن اولدوغونو قید ائتدی.
آلمانین روسیایا صادراتی 2013-جی ایلده بو یانا یاری یارییا دوشدو. 2013-جی ایلده 39 میلیارد آورو اولان صادرات، 2015-جی ایلده 22 میلیارد آورو اولاراق رئاللاشدی.
اوروپا بیرلیگی، روسیانین 15 فوریهده الده ائدیلن مینسک آنلاشماسیندان قایناقلانان مسئولیتلری یئرینه گتیرممهسینه گؤره بو اؤلکهیه تطبیق ائتدیگی تحریملری 21 ژانویه 2016 تاریخینه قدر اوزادمیشدی.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1719132148)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.