گوون اندکسی آرتدی
گوون اندکسلری، 1 نوامبر سئچیملری سونراسی رکورلا گئرییه دؤندو
7 ژوئن سئچیملری سونراسی یورد ایچینده و یورد دیشیندا یاشانان گلیشمهلرین ائتکیسی ایله دیبه ائنن گوون اندکسلری، 1 نوامبر سئچیملری سونراسی رکورلا گئرییه دؤندو.
1 نوامبر سئچیملریندن آک پارتی حؤکومتلری دؤورونده ساغلانان 13 ایللیک سیاسی و اقتصادی ثابیتلیگین داوامینا یؤنهلیک نتیجه چیخماسینین آردیندان توکهتیجی گوون اندکسی، آیلیق ان یوکسک آرتیشینی گرچکلشدیردی.
توکهتیجی گوون اندکسی، نوامبردا بیر اؤنجهکی آیا گؤره یوزده 22.9 آرتیشلا آوریل 2014دن بو یانا ان یوکسک اولان 77.15 دیرینی آلدی. اندکس سپتامبر آییندا 58.5 ایله سون 6.5 ایلین ان آشاغی دیرینی آلمیش، اکتبر آییندا ایسه 62.8 اولاراق یوکسلمیشدی.
بیلیم، صنایع و تکنولوژی باخانی فیکری ایشیق، توکهتیجی گوون اندکسینده آرتیشا باغلی؛
"بورادا 1 نوامبر سئچیملرینده اورتایا چیخان گوجلو و ثابت بیر حؤکومتی اورتایا چیخاراجاق مجلیس یاپیسینین میدانا گلمهسینین بؤیوک رولو وار. اینانیرام کی دسامبر و ژانویه آیی داها دا گوجلنهجک، توکهتیجی گوون اندکسینده داها یاخشی رقملری گؤرجییک" دئدی.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1718629707)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.