اوروپا بیرلیگی، الجزایر، مراکش، لبنان و اوردونا پول یاردیمی ائده

اوروپا بیرلیگی، الجزایر، مراکش، لبنان و اوردون توپلام 365،5 میلیون آورولوق دستک وئره‌جک.
اوروپا بیرلیگی کومیسیونون‌دان ائدیلن آچیقلامایا گؤره، 365،5 میلیون آورونون 237 میلیونو بو دؤرد اؤلکه‌دکی اؤزل سکتورو دستکلمک اوچون ایستیفاده ائدیله‌جک. بو فونلا، یئنی ایش ایمکان‌لاری تامین ائدیله‌جک، پئشه تحصیل وئریله‌جک، میکرو، کیچیک و اورتا اؤلچولو موسسیسه‌لر گوچلندیریله‌جک.
100 میلیون آورو، ساغلیق خیدمت‌لری، یوخسوللوقلا موباریزه کیمی ساحه‌لرده خالقین حیات شرط‌لرینی یاخشی‌لاشدیرماق اوچون ایستیفاده ائدیله‌جک.
قالان 28،5 میلیون آورو دا الجزیره، مراکش و لبنان‌دا سیویل و محاکیمه سیستمی کیمی ساحه‌لرده یئرلی اصلاحات‌لاری دستکلمه‌یه آیریلا‌جاق.
فون‌دان، الجزایر 25 میلیون، مراکش 180،5 میلیون، لبنان 25 میلیون و اوردن 135 میلیون آورو آلا‌جاق.
کومیسیونون، قونشولوق سیاستی و گئنیشلنمه موذاکیره‌لریندن مسئول عضوو یوهانس هان، ائتدیگی یازیلی آچیقلامادا، پاکتین، یئنی ایش ایمکان‌لاری یارادا‌راق، بؤیومگی تشویق ائده‌رک و حیات ایستاندارد‌لارینی یوکسلده‌رک، بو اؤلکه‌لردکی خالق‌لارا بیرباشا فایدا تامین ائده‌جگینی ایفاده ائتدی.