تورکیهنین ان سرعتلی بؤیوین شیرکتلری آچیقلاندی
2011-2013 دؤورونده ساتیش گلیرلرینی یوزده 8 مین 754 نیسبتینده آرتیران مارن ماراش الکتریک اولدو
تورکیهنین ان سرعتلی بؤیوین شیرکتلری آچیقلاندی ...
تورکیه اودالار و بورسلار بیرلیگی (TOBB) لیدرلیگینده ائدیلن تورکیهنین ان سرعتلی بؤیوین شیرکتلری یاریشماسی "تورکیه 100" نتیجهلندی. یاریشمانین بیرینجیسی 2011-2013 دؤورونده ساتیش گلیرلرینی یوزده 8 مین 754 نیسبتینده آرتیران مارن ماراش الکتریک اولدو.
مارن ماراش الکتریک، ساتیش گلیرلرینی یوزده 2 مین 501 آرتیران کاربیل پروقرام، یوزده 2 مین 361 آرتیران امضا انرژی، یوزده مین 722 آرتیران لقمان حکیم ساغلیق سرویسلری و یوزده مین 196 آرتیران پایتر اؤدمه و الکترون پول سرویسی ایزلهدی.
شیرکت سایسی سیرالاماسیندا ایلک سیرانی 45 شیرکت ایله ایستانبول آلدی. ایستانبولو 12 شیرکت ایله آنکارا، 7شر شیرکت ایله کوجائلی و ایزمیر، 5 شیرکت ایله قهرمان ماراش، 3 ار شیرکت ایله ده غازی آنتپ، کونیا و آنتالیا تعقیب ائتدی.
تورکیه اودالار و بورسلار بیرلیگی باشقانی حیصارجیکلیوغلو، سؤز موضوعسو 100 شیرکتین عمومی گلیرینین 2،7 میلیارد دولار، اورتا شیرکت گلیرینین 25 میلیون دولار اولدوغونو سؤیلهدی.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1719102672)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.