تورکیه ایله گورجوستان انرژی آنلاشماسی ایمضالادی
گورجوستانین انرژی احتیاجی اولدوغوندا بیزیم، بیزیم انرژی احتیاجیمیز اولدوغوندا دا گورجوستانین قاتقی قویدوغونو گؤروروک
تورکیه ایله گورجوستان آراسیندا انرژی امکداشلیق راضیلاشماسی ایمضالاندی.
ایستانبولدا ایمضالانان آنلاشمایا، انرژی و طبیعی قایناقلار ناظیری تانر ییلدیز ایله گورجوستان انرژی ناظیری کاخا کالادزه ایمضا قویدو.
تانر ییلدیز، ایستانبولدا تشکیل ائدیلن ایمضا مراسیمینده ائتدیگی دانیشمادا، قونشولارین بیر-بیرینه خصوصیله انرژی سکتوروندا لازیم اولدوغونا ایشاره ائدهرک؛
- "گورجوستانین انرژی احتیاجی اولدوغوندا بیزیم، بیزیم انرژی احتیاجیمیز اولدوغوندا دا گورجوستانین قاتقی قویدوغونو گؤروروک" دئدی.
گورجوستان ایله یوکسک سویهلی ایستراتژی باغلارین بیر چوخ اورتاق پروژه دوغولماسینی تامین ائتدیگینی وورغولایان ناظیر اولدوز، تاناپین بونلاردان بیری اولدوغونو خاطیرلاتدی.
گورجوستان انرژی ناظیری کاخا کالادزه ده چیخیشیندا، ایکی میللتین عصیرلردیر دوستلوغو اولدوغونو، حکومتلر اولاراق بونا هر جور قاتقی وئردیکلرینی و وئرهجکلرینی سؤیلهدی.
ایمضالانان انرژی امکداشلیق آنلاشماسینین مزمونونا باغلی معلومات دا وئرن کالادزه، اهمیتلی مادهلردن بیرینین یئنی چاتدیریلما خطی پروژهسی اولدوغونو و رئاللاشدیریلاجاق ایشلرله موجود الکتریک آخینینین آرتیریلاجاغینی سؤیلهدی
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1718789293)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.