دونیا اقتصادی فورومو پروقرامینین 2-جی گونو
داوود اوغلو، تورکیهدکی مثبت مالی و یاتیریم آتموسفرینی تانیتدیغی بین الخالق شیرکتلره، یاتیریم چاغیریسی ائتدی
دونیا اقتصادی فورومو چرچیوهسینده سوئیسنین داووس شهرینده اولان باش ناظیر احمد داوود اوغلو پروقرامینین 2-جی گونونده
ایلک اولاراق "اینکیشاف ائدن گ-20 گوندمی" آدلی توپلانتییا قاتیلان باش ناظیر، داها سونرا، ایستانبول مالیه مرکزی طرفیندن تشکیل ائدیلن "بوسا ایستانبول: نیه تورکیه؟" موضوعلو ایجلاسدا قاتیلیمچیلارا خیطاب ائتدی.
داوود اوغلو، تورکیهدکی مثبت مالی و یاتیریم آتموسفرینی تانیتدیغی بین الخالق شیرکتلره، یاتیریم چاغیریسی ائتدی. ایستانبولون جوغرافی موقعیتینی ده تعریفلهین باش ناظیر، تیکینتیسی داوام ائدن 150 میلیون یولچو ظرفیتلی یئنی هاوا آلانینی دا خاتیرلاداراق؛
-'ایستانبولدان 60 اؤلکهیه 4 ساعت ایچینده نقلیات ایمکانیمیز وار 'دئدی.
30 ایل اوّل تورکیهیه 14 میلیارد دولار مبلغینده خاریجی یاتیرم ائدیلرکن، بو گون بو رقمین 146 میلیارد دولارا چاتدیغینی خاتیرلادان داوود اوغلو، یاتیریملارینلارین اؤنوندکی مانعلرین قالدیریلدیغینی و حقوقی آلت یاپی نین گوچلندیریلدیغینی وورغولادی. باش ناظیر داوود اوغلو، اوتورومداکی چیخیشیندا، هاوا و دمیر یوللاریندا حیاتا کئچیریلن پروژهلری ده تانیتدی.
باش ناظیر، داووسداکی پروقرامیندا ایکیطرفلی دانیشیقلارا ده یئر وئریر.
اوتریش باش ناظیر کؤمکچیسی رینهولد میترلهنری قبول ائدن احمد داوود اوغلو، یئنی زلاندلی همکاری جان کی ایله ده گؤروشدو.
باش ناظر یوردا دؤنمهدن اوّل، باشقا دولت و حکومت باشقانلارینین، هابئله اولوسلار آراسی ایش چئورهلری و فیکیر صاحیبلری ایله ایکیلی گؤروشمهلر اولاجاق.
داوود اوغلو، سوئیسده یاشایان تورک توپلومونون نمایندهلری ایله ده بیر آرایا گلهجک.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1719105176)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.