دونیا اقتصادی فورومو خصوصی کونفرانسی باشلاییر
ایکی گون داوام ائدهجک توپلانتیدا 70-دن چوخ اؤلکهدن تخمینن 600 اوست سویه ایشتیراکچی گؤزلنیلیر
دونیا اقتصادی فورومو خصوصی کونفرانسی باشلاییر
دونیا اقتصادی فورومونون "گلهجک بؤلگهسل اینکیشاف اوچون قایناقلارین اورتایا چیخاریلماسی" باشلیقلی خصوصی کونفرانسی، جمهور باشقانی رجب طیب اردوغانین ایشتیراکی ایله بو گون ایستانبولدا باشلاییر.
ایکی گون داوام ائدهجک توپلانتیدا 70-دن چوخ اؤلکهدن تخمینن 600 اوست سویه ایشتیراکچی گؤزلنیلیر.
جمهور باشقانی اردوغانین آچیلیشینی ائدهجگی توپلانتینین قورتارماسینی ایسه باش ناظیر احمد داوود اوغلو ائدهجک. توپلانتیا دولت و حکومت باشقانلارینین، ائلهجه ده اوروپا کومیسیونونون صدری خوزه مانوئل باروسو دا قاتیلاجاق.
اوروپا بیرلیگی ناظیری و باش مذاکرهجی وولکان بوزکیر دا، "اوروپا بیرلیگی، قونشولوق و اؤتئسی" باشلیقلی پانلده ناطیق اولاجاق.
پرزیدنت اردوغان، باش ناظیر داوود اوغلو و اوروپا بیرلیگی ناظیری بوزکیرین فوروما قاتیلان دولت و حکومت باشقانلاری، اولوسلار آراسی تشکیلات نمایندهلری و ناظیرلرله ایکیطرفلی دانیشیقلار رئاللاشدیرماسی نظرده توتولور.
سؤز موضوعسو فورومون، تورکیهنین بؤلگهسیندکی داواملی اینکیشاف، ثابتلیک و باریش یؤنونده چابالارین آکتیولشدیریلمهسی ایستیقامتلی آچیق فیکیر مبادیلهسی و تجروبه پایلاشماسینا ایمکان تامین ائتمهسی باخیمیندان اهمیتلی اولدوغو ایفاده ائدیلیر.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1719058623)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.