بریکس اؤلکه‌لریندن اقتصادی حمله

بریکس اؤلکه‌لرین‌دن دونیا بانکی و اولوسلارآراسی پول فوندونا رقیب ایکی قوروم گلیر.
برزیلی، روسیا، هیندیستان، چین و گونئی آفریقا‌دان اولوشان بریکس اؤلکه‌لری، قلوبال مالی سیستمینده داها ائتکیلی رول اویناماق اوچون بیر اولوسلارآراسی پول فوندو، بیر کؤمک فوندو قورما قراری آلدی.
بریکس اؤلکه‌لری‌نین لیدئرلری‌نین برزیلیا‌داکی ذیروه‌سی اؤنجه‌سینده، دونن فورتالزادا مالیه باخانلاری توپلاندی و قورولا‌جاق یئنی اولوسلارآراسی قوروم‌لارین آیرینتیلارینی گؤروشدو. ایلک دفعه ۲۰۱۳ آچیقلانان و یئنی قالخینما بانکی آدی وئریلن قوروم، دونیا بانکینا بنزر بیر قورولوشدا اولا‌جاق.‌ قوروم، اؤلکه‌لردکی آلت‌یاپی پروژه‌لرینه دوشوک هزینه‌لی مالی قایناق تامین ائده‌جک.
هیندیستان یئنی قورولا‌جاق قالخینما بانکی‌نین بئش ایل بویونجا باشقان‌لیغینی یئریده‌جک.‌ قورولا‌جاق بانکین ایلک آشامادا سرمایه‌سی‌نین ٥۰ میلیارد دو‌لار اولماسی پلانلاشدیریلیر.‌ اولوسلارآراسی پول فوندونا آلترناتیو اولا‌راق دا بیر فوندون قورولماسی گوندمده.
٤۱ میلیارد دو‌لارلا ان بؤیوک قاتقینی وئره‌جک چین، قوروم مرکزی‌نین شانگهای اولماسینی ایسته‌ییر.‌ آنجاق موسکوا، یئنی دهلی و ژوهانسبورگ دا نامیزدلر آراسیندا گؤستریلیر.