گۆنئی قافقازداکی اؤنملی گلیشمهلر
باکی بؤلگهسل و کۆرهسل سیاستین نبضینی یوخلایان اؤنملی مرکزلرین بیرینه چئوریلمهیه باشلاد
سون هفتهلرده گۆنئی قافقازدا اؤنملی گلیشمهلار یاشاندی. ایندی اونلارا سیراسی ایله باخاجاغیق.
۱۱ مارس ۲۰۲۴ تاریخینده قازاقیستان جمهورباشقانی قاسیم جومرت توکایئو آذربایجانا دؤولت سفری گئرچکلشدیردی. قازاقیستان جمهورباشقانی ن قاسیم جومرت توکایئو باکیدا دؤولت مراسیمی ایله قارشیلاندی. ایکی اؤلکه جمهورباشقانلارینین ایشتیراکی ایله آذربایجان-قازاقیستان یوکسک حکومتلرآراسی شورانین ایلک ییغینجاغی ائدیلدی. ییغینجاق سونوندا ایکی اؤلکه آراسیندا ۹ آنلاشما ایمضالاندی. جمهورباشقانی توکایئو عینی گون آذربایجان میللی مجلیسینیه گئتدی و مجلیس باشقانی صاحبه غافارووا ایله گؤروشدو. ۱۲ مارس تاریخینده آذربایجان و قازاقیستان جمهورباشقانلاری فضولی شهرینه گئدهرک قازاقیستان طرفیندن تیکیلهن کورمانغازی اوشاق یارادیجیلیق مرکزینین آچیلیشینی ائتدیلر. جمهور باشقانلاری داها سونرا شوشا شهرینه کئچهرک آراشدیرمالار آپاردیلار.
۱۴-۱۶ مارس ۲۰۲۴ تاریخلرینده آذربایجان جمهور باشقانی ایلهام علییئوین حمایهسینده اون بیرینجی کۆرهسل باکی فورومو گئرچکلشدیریلدی. فوروما ۶۸ اؤلکهدن ۴۰۰دن چوخ نماینده قاتیلدی. جمهورباشقانی علییئو فوروم چرچیوهسینده آلبانی جمهورباشقانی بایرام بئگای، دونیا ساغلیق هؤرگوتو باش کاتیبی تدروس آدهانوم گبریسوس، تۆرک دؤولتلر تشکیلاتی آغساققالی بینعلی یلدیریم ایله ایکیلی گؤروشمهلر ائتدی.
۱۵ مارس ۲۰۲۴ تاریخینده باکیدا ۹.جو آذربایجان-گورجوستان-تۆرکیه خاریجی ایشلر باخانلاری اوچلو ییغینجاغی گئرچکلشدیریلدی. ییغینجاقدا سؤزو گئدن اوچ اؤلکهنی ماراقلاندیران مؤوضوعلار ماسایا یاتیردیلدی. ییغینجاق سونوندا باکی بیاننامهسی ایمضالاندی.
گورجوستان باشباخانی ایراکلی کوباخیدزه ۱۶ مارس تاریخینده آذربایجانا رسمی سفر گئرچکلشدیردی. باکیدا باشباخان کوباخیدزه جمهورباشقانی ایلهام علییئو،باش باخان علی اسدوو ایله گؤروشدو. خاطیرلاتماق لازیم اولسا، ایراکلی کوباخیدزه ۸ فوریه آیی ۲۰۲۴ تاریخینده گورجوستان باشباخانی اولاراق سئچیلمیشدی.
۱۷ مارس ۲۰۲۴ تاریخینده آذربایجان جمهورباشقانی ایلهام علییئو ناتو باش کاتیبی ینس استولتونبرگی قبول ائتدی. گؤروشمهده انرژی، گۆنئی قافقازین گۆونلیگی، بؤلگهسل باریش مؤوضوعلاری اله آلیندی. ۱۸ مارس تاریخینده ناتو باش کاتیبی آذربایجان خاریجی ایشلر باخانی جئیهون بایراموو ایله گؤروشدو.
۲۲ مارس ۲۰۲۴ تاریخینده آذربایجان میللی مجلیسی باشقانی صاحبه غافارووا سویسه ایش سفری گئرچکلشدیردی. باشقان غافارووا ژنوده ۱۴۸.جی پارلمانلارآراسی بیرلیک شوراسینا، باغلانتیسیزلار پارلمان شبکهسی ۳.جو کنفرانسینا و آسیی پارلمانلاری شوراسی ایش بیرلیگی ییغینجاغینا قاتیلدی.
***
گۆنئی قافقازی ماراقلاندیران بوتون گؤروشمهلرده آذربایجان-ارمنیستان باریش آنلاشماسی قونوسو گوندمین ان اؤنملی مادهسی اولاراق اله آلینماقدادیر. سون اولاراق ۲۲ مارس ۲۰۲۴ تاریخینده آذربایجان و ارمنیستان مجلیس باشقانلاری ژنوده بیر آرایا گلهرک گؤروشدولر.
گلیشمهلردن گؤرولدوگو اۆزره، باکی بؤلگهسل و کۆرهسل سیاستین نبضینی یوخلایان اؤنملی مرکزلرین بیرینه چئوریلمهیه باشلادی. گۆز آیلاریندا باکیدا گئرچکلشدیریلهجک بیرلشمیش میللتلر ایقلیم دییشیکلیگی چرچیوه آنلاشماسی طرفداری کنفرانسی ۲۹.جو قورولتایی (کوپ۲۹) بونون آچیق گؤستریجیسیدیر. آذربایجان-ارمنیستان سرحدینین تعیین اولونماسی و ایکی اؤلکه آراسیندا باریش آنلاشماسینین ایمضالانماسی یالنیز گۆنئی قافقازین دئییل، بوتون آوراسیا جغرافیاسینین گلیشمهسینه قاتقی وئرهجک.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر