اؤزبکیستان-چین ایلیشکیلرینین مؤوجود دورومو
جمهورباشقانی میرضیایئو چینه گئرچکلشدیردیگی دؤولت سفری چرچیوهسینده پکنده چین خالق جمهوریتی باشقانی شی جینپینگ ایله گؤروشدو
اؤزبکیستان جمهورباشقانی شؤوکت میرضیایئو، ۲۰۲۴.جو ایلدهکی ایلک خاریج سفرینی ۲۳-۲۵ ژانویه تاریخلرینده چین خالق جمهوریتینه گئرچکلشدیردی. جمهورباشقانی میرضیایئو چینه گئرچکلشدیردیگی دؤولت سفری چرچیوهسینده پکنده چین خالق جمهوریتی باشقانی شی جینپینگ، میللی خالق کنگرهسی دائمی کومیتهسی باشقانی ژائو لژی و حکومت باشقانی لی کیانگ ایله گؤروشمهلر ائتدی. ییغینجاقدا چین اکسیم بانکینین (صادرات-واردات) مرکزی آسیا شعبهسینین داشکندده آچیلماسی قونوسو قرارا باغلاندی. دؤولت باشقانلاری شی جینپینگ و شؤوکت میرضیایئو ایکی اؤلکه آراسیندا گئنیش استراتئژیک امکداشلیق قورولماسی قونوسوندا آنلاشدیلار. گؤروشمهلر نتیجهسینده اؤزبکیستان و چین آراسیندا ۱۵ آنلاشما ایمضالاندی. خاطیرلاتماق لازیم اولسا، گئچهن ایل می آییندا اؤزبکیستان جمهورباشقانی شؤوکت میرضیایئوین چین خالق جمهوریتینه گئرچکلشدیردیگی سفرینده ایکی اؤلکه آراسیندا ۴۱ آنلاشما ایمضالانمیشدی.
جمهورباشقانی میرضیایئو داها سونرا شنژن شهرینه گئتدی و چین-اؤزبکیستان سرمایه فورومونا قاتیلدی. شؤوکت میرضیایئو سفر چرچیوهسینده چینین بیلینن شیرکتلرینین ایدارهچیلری ایله آیری آیری گؤروشمهلر ائتدی. جمهورباشقانی میرضیایئوین ایشتیراکی ایله اؤزبکیستانین جیزاک ائلینده چینلی بیوایدی شیرکتی طرفیندن هیبرید و الکتریکلی اتومبیل اۆرهتیلهجک فابریکانین آچیلیش مراسیمی ائدیلدی. گئچهن دسامبر آییندا اؤزبکیستان چینلی هنان سودا شیرکتی ایله ۲۰۳۳.جو ایله قدر اؤلکهده ۵۰ مین الکتریک شارژ مرکزلری تیکمه قونوسوندا آنلاشما ایمضالامیشدی. چینین اؤزبکیستانا قویدوغو سرمایهلری ۱۴ میلیارد دلاری آشمیش دورومدادیر.
۲۰۲۳.جو ایلدهن اعتباراً چین اؤزبکیستانین ان بؤیوک خاریجی تیجارت اورتاغی قونوموندادیر. طرفلر ۱۴ میلیارد دلارا چاتان اورتاق تیجارت حجمینی گلهجک ایللرده ۲۰ میلیارد دلارا چاتدیرماغی هدفلهییرلر.
***
چین و اؤزبکیستان آراسیندا بؤلگهلر آراسی امکداشلیق سرعت قازانماغا باشلادی. سون ایللرده بؤلگهلر آراسی فوروملار، قارشیلیقلی هیئت سفرلری، تجروبه پایلاشیمی منظم شکیلده ائدیلیر. مثلاً، ۲۲ ژانویه ۲۰۲۴ تاریخینده اورومچیده چین-اؤزبکیستان یئرلی یؤنهتیملر آراسی امکداشلیق فورومو گئرچکلشدیریلدی. چینین اؤزبکیستانداکی سرمایهلرینی اؤلکهنین موختلیف بؤلگهلریندن گؤرمک مومکوندور. اؤزبکیستان گئدیش-گلیشلرین آرتماسی اوچون چین وطنداشلارینین اؤلکهیه ۱۰ گون ویزاسیز گیرمهسینه ایجازه وئریر.
اؤزبکیستان و چین آراسیندا ایندییه قدر ۷ شهره هاوا نقلیاتی مؤوجود ایدی. ائدیلهن یئنی آنلاشما ایله، ایکی اؤلکه آراسیندا شهر محدودیتی اولمادان قارشیلیقلی ۵۰ سفر تشکیل ائتمه ایجازهسی وئریلدی.
جمهور باشقانی میرضیایئوین چین سفری چرچیوهسینده ۲۲-۲۳ ژانویه ۲۰۲۴ تاریخلرینده پکنده چین-اؤزبکیستان تحصیل فورومو تشکیل ائدیلدی. فوروما ایکی اؤلکهدن ۱۴۷ اونیوئرسیتهنین رئیسی قاتیلدی. فورومدا چین-اؤزبکیستان اونیوئرسیتهلر بیرلیگی قورما قراری آلیندی.
اؤزتلهیهجک اولساق، اؤزبکیستان-چین ایلیشکیلری ان یۆکسک سویهده سیر ائدیر. انرژی، صنایع، نقلیات، تیجارت، اکینچیلیک، تحصیل کیمی مختلیف ساحهلرده ایکیلی ایلیشکیلر سرعتله گلیشیر. گلیشمهلره باخاراق اؤزبکیستان-چین ایلیشکیلرینین داها دا اینکیشاف ائدجگینی، جمهورباشقانی میرضیایئوین چینه گئرچکلشدیردیگی دؤولت سفرینین چوخ وئریملی گئچدیگینی سؤیلهیهبیلریک.
ایلگیلیلی خبرلر
تورک جمهوریتلرینده کئچن هفته
تورک جمهوریتلری آراسینداکی امکداشلیغی گوجلندیرهن فعالیتلر سرعت کسمهدن داوام ائدی
