تورک جمهوریتلرینین گوندمیندهکی حادثه‌لر
داشکند‌ده آذربایجان، قازاقیستان، قیرقیزیستان، تورکیه، اؤزبکیستان و ماجاریستان جغرافیا بیرلیکلری باشقانلاری بیرینجی ییغینجاغی گئرچکلشدیریلدی
تورک جمهوریتلرین‌ده گئچه‌ن هفته اؤنملی حادثه‌لر میدانا گلدی. ایندی سیراسی ایله بونلارا باخاجاغیق.
قیرقیزیستان جمهورباشقانی سادیر جاپاروو ۷-۹ می ۲۰۲۳ تاریخلرین‌ده روسیا فدراسیونونا رسمی سفر ائتدی. جمهورباشقانی جاپاروو سفر چرچیوهسینده روسیا دؤولت باشقانی ولادیمیر پوتین، باشباخان میخائیل میشوستین، فدراسیون شوراسی باشقانی والئنتینا ماتویئنکو و دوما باشقانی ویاچئسلاو وولودین ایله گؤروشمه‌لر ائتدی. قازان و سن پترزبورگ شهرلرین‌ده قیرقیزیستانین باش کونسوللوق آچماسی قونوسون‌دا ایکی اؤلکه آراسین‌دا آنلاشما تامین ائدیلدی.
۹ می تاریخین‌ده موسکوادا تشکیل ائدیله‌ن ۲-جی دونیا ساواشی ظفر مراسیمینه بئلاروس، قازاقیستان، قیرقیزیستان، ارمنیستان، اؤزبکیستان، تاجیکیستان و تورکمنیستان لیدئرلری ایشتیراک ائتدیلر. جمهورباشقانی جاپاروو خاریجین‌ده‌کی لیدئرلرین مراسیمه قاتیلیب قاتیلمیاجاغی سون گونه قدر بیلینمیردی.
۱۰-۱۱ می ۲۰۲۳ تاریخلرین‌ده تورکمنیستان جمهورباشقانی سردار بردی‌محمدوو تاجیکیستانا دؤولت سفری گئرچکلشدیردی. جمهورباشقانی سردار بردی‌محمدوو تاجیکیستان جمهورباشقانی امامعلی رحمان، باشباخان قاهر راسولزاده، میللی مجلیس باشقانی روستم امامعلی، سنا باشقانی محمود طاهر ذاکرزاده ایله گؤروشمه‌لر ائتدی. طرفلر آراسین‌دا ۲۳ آنلاشما ایمضالان‌ی. جمهورباشقانلاری استراتژیک امکداشلیغین درینلشدیرمه آنلاشماسینی ایمضالادیلار. سفر چرچیوهسینده تاجیک-تورکمن ایش شوراسی ییغینجاغی و تاجیک-تورکمن ایش فورومو گئرچکلشدیریلدی. بئله‌جه سردار بردی‌محمدوو جمهورباشقانی عنوانی ایله تاجیکیستانا ایلک سفرینی ائتمیش اولدو.
۱۱ می ۲۰۲۳ تاریخین‌ده قیرقیزیستان جمهورباشقانی سادیر جاپاروو شانگهای امکداشلیق تشکیلاتی باش کاتیبی ژانگ مینگی قبول ائتدی. گؤروشمه‌ده قیرقیزیستانین سؤز قونوسو تشکیلاتا عضو دؤولتلر ایله ایلیشکیلری، چین-قیرقیزیستان-اؤزبکیستان دمیریولو پروژه‌سی اله آلیندی.
۱۲ می ۲۰۲۳ تاریخین‌ده اؤزبکیستان جمهورباشقانی شؤوکت میرضیایئو تاجیکیستان باشباخانی قاهر راسولزاده‌نی قبول ائتدی. ایکی اؤلکه باشباخانلاری اؤزبکیستان و تاجیکیستان حوکومتلرآراسی کمیسیون ییغینجاغینا باشقانلیق ائتدیلر.
اؤزبکیستان جمهورباشقانی شؤوکت میرضیایئو ۳۰ آوریل ۲۰۲۳ تاریخین‌ده گئرچکلشدیریلن آنایاسا رفراندومون‌دان سونرا ائرکه‌ن جمهورباشقانلیغی سئچیمینین ائدیله‌جگینی اعلان ائتدی. ۹ جولای ۲۰۲۳ تاریخین‌ده ائدیله‌جک سئچیمده اؤزبکیستان لیبرال دموکرات پارتیسی شؤوکت میرضیایئوی، خالق دموکراسی پارتیسی اولوگ‌بک اینویاتووو، یاشیللار پارتیسی عبدالشکور حمزه‌یئوی، عدالت سوسیال موکرات پارتیسی رابوخان محمودووانی نامیزد گؤستردی.
***
۸ می ۲۰۲۳ تاریخین‌ده داشکند‌ده آذربایجان، قازاقیستان، قیرقیزیستان، تورکیه، اؤزبکیستان و ماجاریستان جغرافیا بیرلیکلری باشقانلاری بیرینجی ییغینجاغی گئرچکلشدیریلدی. ییغینجاق‌دا تورک دؤولتلر تشکیلاتی جغرافیا شوراسینین قورولماسینا ایستیقامتلی آنلاشما ایمضالاندی.
۱۱ می ۲۰۲۳ تاریخین‌ده قیرقیزیستان جمهورباشقانی سادیر جاپاروو تورک دؤولتلر تشکیلاتی باش کاتیبی کوبانیچ‌بک عؤمورعلییئوی قبول ائتدی. گؤروشمه‌ده تشکیلاتین ایشلری اله آلیندی. تورک دؤولتلر تشکیلاتی باش کاتیبی بیشکئک‌ده قیرقیزیستان مجلیسی باشقانی نورلانبک شاکیئو، خاریجی ایشلر باخانی جنبک کولوبایئو، اقتصاد و تیجارت باخانی دانیار آمان‌گلدیئو ایله ده گؤروشمه‌لر ائتدی.
۱۲ می ۲۰۲۳ تاریخین‌ده آذربایجانین شوشا شهرین‌ده "شوشا ۲۰۲۳- تورک دونیاسی کولتور باشکندی"نین آچیلیش مراسیمی ائدیلدی. مراسیمه تورک دؤولتلر تشکیلاتینا عضو دؤولتلرین کولتور باخانلاری و دیگر مقاملار قاتیلدیلار.
