اورتا آسیا اؤلکه‌لرینین عرب اؤلکه‌لری ایله ایلیشکیلری
اورتا آسیا اؤلکه‌لرینین عرب اؤلکه‌لری ایله ایلیشکیلری داها دا گلیشیر
گئچه‌ن هفته‌لرده اورتا آسیا اؤلکه‌لرینین عرب اؤلکه‌لری ایله ایلیشکیلرینی گوجله‌ندیره‌جک اؤنملی گلیشمه‌‌لر یاشاندی. ایندی ابو گلیشمه‌لره سیراسی ایله باخاجاغیق.
تورکمنیستان خالق مصلحتی باشقانی قوربانقولو بردی‌محمدوو ۱۱-۱۲ فوریه ۲۰۲۳ تاریخلرینده بیرلشمیش عرب امرلیکلرینه رسمی سفر گئرچکلشدیردی. قوربانقولو بردی‌محمدوو سفر چرچیوه‌سینده بیرلشمیش عرب امرلیکلری جمهورباشقانی محمد بن زاید آل نهیان، باشباخان کؤمکچیسی منصور بن زاید آل نهیان ایله آیری آیری گؤروشدو. تورکمنیستان خالق مصلحتی باشقانی ابوظبی قالخینما صاندیغی، مصدر، ابوظبی میللی نفت شیرکتی، ابوظبی پورت ایداره‌چیلری ایله ده گؤروشمه‌لر گئرچکلشدیردی. گؤروشمه‌لرده تورکمنیستانا قوبولاجاق سرمایه‌لر، ایکیلی ایلیشکیلرله باغلی موختلیف مؤوضوعلار اله آلیندی. بردی‌محمدووون سفری ایله باغلی اورتاق بیلدیری و امکداشلیق آنلاشما متنی ایمضالاندی.
۱۹ فوریه ۲۰۲۳ تاریخینده بیرلشمیش عرب امرلیکلری باشباخان کؤمکچیسی منصور بن زاید آل نهیان تورکمنیستانا سفر گئرچکلشدیردی. عشق‌آباد شهرینده بیرلشمیش عرب امرلیکلری باش باخانی تورکمنیستان جمهور باشقانی سردار بردی‌محمدوو ایله گؤروشدو. گؤروشمه‌ده ایکیلی ایلیشکیلرین مؤوجود وضعیتی ماسایا یاتیردیلدی. ابوظبی میللی نفت شیرکتی تورکمنیستانین قالخینیش طبیعی گاز یاتاغیندا اۆره‌تیم گئرچکلشدیره‌جک.
۲۱ فوریه ۲۰۲۳ تاریخینده تورکمنیستان جمهورباشقانی سردار بردی‌محمدوو بحرین کراللیغینا ایلک رسمی سفرینی گئرچکلشدیردی. هاوالیمانیندا جمهورباشقانی بردی‌محمدووو بحرین باشباخانی خالد بن عبدالله آل خلیفه قارشیلادی. ۲۲ فوریه تاریخینده سردار بردی‌محمدوو بحرین کرالی حمد ین عیسی آل خلیفه ایله گؤروشدو. گؤروشمه سونوندا ایکی اؤلکه آراسیندا ۱۱ آنلاشما ایمضالاندی. جمهورباشقانی بردی‌محمدووا بحرینین اۆست دوزئی نیشانی اولان عیسی بن سلمان آل خلیفه نیشانی وئریلدی. جمهورباشقانی بردی‌محمدوو بحرین اقتصادی قالخینما قورولو یؤنه‌تیمی ایله ده گؤروشدو.
اؤزبکیستان جمهور باشقانی شؤوکت میرضیایئو ۲۰-۲۱ فوریه ۲۰۲۳ تاریخلرینده مصر عرب جمهوریتینه رسمی سفر گئرچکلشدیردی. مصر جمهور باشقانی عبدالفتاح السیسی جمهورباشقانی میرضیایئوی هاوالیمانیندا شخصاً قارشیلادی. جمهورباشقانی شؤوکت میرضیایئو سفرین ایلک گونو باشکند قاهیره‌ده اولان احمد فرغانینین آنید مزارینی گزدی و مصر دؤولت سیویلیزآسیا اویقارلیقلارینا گئتدی. اؤزبکیستان جمهور باشقانی عینی گون مصر ایش آداملاری ایله گؤروشدو. ۲۱ فوریه تاریخینده جمهورباشقانی شؤوکت میرضیایئوی رسمی قارشیلاما مراسیمی تشکیل ائدیلدی. مراسیمدن سونرا ایکی اؤلکه جمهورباشقانلاری گؤروشمه گئرچکلشدیردیلر. گؤروشمه سونوندا بعضی آنلاشمالار ایمضالاندی. جمهورباشقانلارینین اورتاق بیلدیریسی یاییملاندی داها سونرا جمهورباشقانلاری مطبوعات کنفرانسی تشکیل ائتدیلر.
۲۱ فوریه ۲۰۲۳ تاریخینده تاجیکیستان خاریجی ایشلر باخانی کؤمکچیسی شرف شرعلی‌زودا سعودی عربیستان خاریجی ایشلر باخانلیغی آسیا بؤلومو باشقانی محمد بن عبدالهادی ایله گؤروشدو. گؤروشمه‌ده ایکیلی ایلیشکیلرین گلیشدیریلمه‌سی اله آلیندی.
۱۳-۱۵ فوریه ۲۰۲۳ تاریخلرینده دوبی‌ده تشکیل ائدیله‌ن دونیا حکومت فورومونا اورتا آسیا جمهوریتلری باشباخان، باخان سویه‌سینده قاتیلیم اولدو.
***
گلیشمه‌‌لردن گؤرولدوگو اۆزره اورتا آسیا اؤلکه‌لرینین عرب اؤلکه‌لری ایله ایلیشکیلری داها دا گلیشیر. قارشیلیقلی اوست سویه سفرلر داها چوخ ائدیلیر. بؤلگه‌لر آراسی امکداشلیق آرتیر.
