آوراسیا جغرافیاسیندا ۲۰۲۲ ایلی نئجه گئچدی

روسیا-اوکراینا ساواشی، ۲۰۲۲.جی ایلین ان اؤنملی حادثه‌سی اولدوغونو سؤیله‌یه‌بیلریک. روسیا ۲۴ فوریه تاریخینده اوکراینایا سالدیردی. گئریده قالان سون ۱۰ آیدا چاتیشمالار و سالدیریلار اۆزوندن یوز میندن چوخ اینسان حیاتینی ایتیردی. میلیونلارجا اینسان ائوینی، اؤلکه‌سینی ترک ائتمک مجبوریتینده قالدی. روس اوردوسو سالدیریلاری نتیجه‌سینده اوکراینا ویرانه‌یه چئوریلدی. اولوسلارآراسی ساحه‌ده قطبلاشما دقیق اولاراق اورتایا چیخدی. دونیا اقتصادی ساواش‌دان چوخ منفی تأثیرله‌ندی. روسیا-اوکراینا و یا روسیا-باتی ساواشینین یاخین زاماندا بیتمه‌سی اؤن گؤرولمور.

۲۰۲۲.جی ایلده قازاقیستان و تۆرکمنیستاندا جمهورباشقانلیغی سئچیملری ائدیلدی. ۱۲ مارس ۲۰۲۲ تاریخینده تۆرکمنیستاندا گئرچکلشدیریلن جمهورباشقانلیغی سئچیملرینده سردار بردی‌محمدوو غالیب گلدی. ۲۰ نوامبر ۲۰۲۲ تاریخینده قازاقیستاندا ائدیله‌ن جمهورباشقانلیغی سئچیملرینده فاسیم جؤمرد توکایئو یئنی‌دن یئددی ایللیگینه جمهورباشقانی سئچیلدی. ۵ ژوئن تاریخینده قازاقیستاندا آنایاسا دییشیکلیگی رفراندومو دا ائدیلدی. ژانویه آییندا قازاقیستاندا میدانا گلن حادثه‌لر سؤزو گئدن رفراندوم و جمهورباشقانلیغی سئچیمینین ائدیلمه‌سینه سبب اولدو.

تاجیکیستانین سالدیریلاری نتیجه‌سینده سپتامبر آییندا تاجیک-قیرقیز سرحدینده چاتیشمالار یاشاندی. اونلارجا اینسان حیاتینی ایتیردی. تاجکیستانین داغلیق بدخشان بؤلگه‌سینده ده اعتراضلار میدانا گلدی. قیرقیزیستان و اؤزبکیستان دؤولت سرحدلرینی تعیین ائتمه قونوسوندا آنلاشما تامین ائتدیکلرینی بیلدیردیلر.

۲۲ دسامبر ۲۰۲۲ تاریخینده قازاقیستان و اؤزبکیستان تاریخی بیرلیک آنلاشماسینی ایمضالادیلار. سؤزو گئدن آنلاشما تۆرک جمهوریتلرینین بۆتونلشمه‌سی باخیمیندان دا بؤیوک اؤنم ایفاده ائدیر.

بو ایل گونئی قافقازدا باریشین قورولماسی و قاراباغین آبادلیغی آدینا اؤنملی آددیملار آتیلدی. آوروپا اؤلکه‌لری گونئی قافقاز، اؤللیکله آذربایجان ایله ایلیشکیلرینی گلیشدیرمک اوچون آنلاشمالار ایمضالادیلار. آذربایجان آوروپا بیرلیگی اؤلکه‌لرینه انرژی گؤندریمینی ایکی قاتینا چیخارداجاق.

***

۲۰۲۲.جی ایلده آوراسیا اقتصادی بیرلیگی، شانگهای امکداشلیق تشکیلاتی، موستقیل دؤولتلر بیرلیگی تشکیلاتی، کولکتیو گوونلیک آنلاشما تشکیلاتی کیمی بؤلگه‌سل تشکیلاتلارین دؤنمسل ییغینجاقلاری ائدیلدی. ۲۴ نوامبر تاریخینده ارمنیستانین باشکندی ایرواندا گئرچکلشدیریلن کولکتیو گوونلیک آنلاشماسی تشکیلاتی ذیروه‌سی سونوج بیلدیرگه‌سینی ارمنیستان باشباخانی نیکول پاشینیان ایمضالامادی.

۱۶-۱۸ ژوئن تاریخلرینده باکی شهرینده ۹.جو قکره‌سل باکی فورومو گئرچکلشدیریلدی. ۲۹ ژوئن تاریخینده عشق آباد شهرینده ۶.حی خزر اؤلکه‌لری دؤولت باشقانلاری ذیروه‌سی گئرچکلشدیریلدی. ۲۱ جولای تاریخینده قیرقیزیستانین چولپون آتا شهرینده اورتا آسیا جمهوریتلری جمهورباشقانلارینین ۴.جو موشاویره ییغینجاغی گئرچکلشدیریلدی. ۱۳ اکتبر تاریخینده آستانا شهرینده ۶.جی آسیادا امکداشلیق و گۆوه‌ن آرتیریجی تدبیرلر کنفرانسی ذیروه‌سی گئرچکلشدیریلدی.

۱۰-۱۱ نوامبر ۲۰۲۲ تاریخلرینده سمرقند شهرینده تۆرک دؤولتلر تشکیلاتی ۹.جو ذیروه‌سی گئرچکلشدیریلدی. ذیروه‌ده قوزئی قیبریس تۆرک جمهوریتی تشکیلاتا گؤزلمچی اولاراق قبول ائدیلدی.

۱۴ دسامبر ۲۰۲۲ تاریخینده تۆرکمنیستانین آوازا توریستیک بؤلگه‌سینده آذربایجان، تۆرکیه و تۆرکمنیستان جمهورباشقانلارینین اوچلو ذیروه‌سی گئرچکلشدیریلدی.

گلیشمه‌لردن گؤرولدوگو اۆزره، ۲۰۲۲.جی ایلده آوراسیا جغرافیاسی دونیا گوند‌مینی تعیین ائد‌ن بؤلگه اولدو.