ادلیب-ده اینسانی بحران
سیاسی، ایقتیصادی و اجتماعی آراشدیرما وقفی‌نین (ستا) آراشدیرماچی یازاری جان آجونون “ادلیب-ده اینسانی بحران” باش‌لیق‌لی یازی‌سی.
سیاسی، ایقتیصادی و اجتماعی آراشدیرما وقفی‌نین (ستا) آراشدیرماچی یازاری جان آجونون “ادلیب-ده اینسانی بحران” باش‌لیق‌لی یازی‌سی.
اسد رژیمی روسیا و ایرانین دستکی ایله اوزون مودت‌دیر ادلیبه هوجوم ائتمکده داوام ائدیر. ساده‌جه سون ایکی آی عرضینده 200 مین‌دن آرتیق اینسان ائو-ائشیگیندن ائدیلدیکده، مین‌لرله‌سی ایسه حیاتینی ایتیردی یاخود دا یارالاندی. رژیم و متفیق‌لری ساده‌جه حربی هدف‌لری بیرباشا سیویل لری هدف آلا‌راق بؤلگه نی اوول اینسان‌لاردان تمیزله‌ییب سونرا ایسه اله کئچیرمه‌یه جهد گؤستریر. سوریه-لی موخالیفت اوچون سون قالا موضعیندکی ادلیبده اکثریتی ائو-ائشیگیندن ائدیلمیش چتین شرط‌لرده دؤرد میلیونا یاخین اینسان یاشادیقدا، تورکیه ایسه بوتون گوجو ایله بورا‌داکی اینسانی بحرانین قارشی‌سینی آلماغا جهد گؤستریر.
2018 -جی ایلین سپتامبر آییندا ایمضا‌لانان سوچی راضیلاشماسینا باخمایا‌راق رژیمین ادلیبه قارشی هوجوم‌لاری فاصیله‌لرله داوام ائتدی، سونرا ایسه روس‌لارین هاوا‌دان هوجوم‌لاری‌نین باشلاماسی ایله ادلیب یئنی‌دن توققوشما‌لارین مرکزینه چئوریلدی. رژیم 2019-جو ایلین آوریل آینیدا باشلاتدیغی هوجوملاریندان سونرا حمانین قوزیی ینده ایرلیلییش اولدو، بو پروسه Morek-ده کی تورکیه سلاحلی قوه‌لری‌نین بازاسی‌نین محاصره‌ده اولماسی و خان شیخون منطقه‌سی‌نین موخالیفت طرفیندن ایتیریلمه‌سیله نتیجه لنمیش‌دیر.
بو پروسه دن اعتباراً داوام ائدن فاصیله‌لی هوجوم‌لار و روسیانین هاوا هوجوم‌لاری نتیجه‌سینده یوز مین‌لرله سیویل وطنداش ائو-ائشیگیندن ائدیلدی. ادلیب بولگه سینده بوتون هوجوم‌لارلا ائو-ائشیک‌لریندن ائدیلن سیویل سایی 1،6 میلیونا یاخینلاشیب. بونونلا یاناشی 322 میلیون دو‌لارلیق مادی ضررین یاراندیغی ایفاده ائدیلیر. سون دؤورده ائدیلن هوجوم‌لار نتیجه‌سینده تورک سلاحلی قوه لرینه مخصوص سورمان-داکی موشاهیده بازاسی رژیم قوه‌لری طرفیندن محاصره‌یه آلینیب.
2019-جو ایلین دسامبر آیین‌دان اعتبارا رئاللاشان هوجوم‌لار نتیجه‌سینده تقریباً 400 مین سیویل ین تورکیه سرحدینه گلدیگی ایفاده ائدیلیر. رژیم ادلیب-ین گونئی –دوغوسونا و حلب-ین باتی سینا ائتدیگی سون هوجوم‌لارلا “M5” یولونا نظارتی، بوندان علاوه اولا‌راق دا معرة النعمان شهرینی اله کئچیردی. روسیا و رژیمین ادلیب-ده قیسا مودت‌لی پلان‌لاری‌نین “M4” و “M5” یول‌لارینا نظارت ائده‌رک، ادلیب شهر مرکزینی ده قورودان بومبالایا بیله جگی نقطه‌یه گتیرمگی هدف آلدیغی دوشونولور.
بوتون بون‌لارلا یاناشی روسیا، ایران و رژیمین ادلیب هوجوم‌لاری‌نین دیگر بیر موتیواسیونو ایسه سیویل یاشاییش منطقه‌لرینی محو ائده‌رک، بؤلگه خالقینی کؤچه مجبور ائتمک و بئله لیکله سوریه-ده نظارت ائدیله بیله‌جک بیر دموگرافی الده ائتمک‌دیر. بونون اوچون سیویل لر یا کؤچه مجبور ائدیلیر یاخود دا اؤلدورولور. ادلیب-ین موخالیف گئنیش خالق کوتله‌لری‌نین و سلاح‌لاری قروپ‌لار مسکون لارشدیرماسینا گوره ده هدفه آلیندیغی سؤی‌لنه بیلر. تورکیه ایسه 12 موشاهیده منطقه‌سی ایله رژیم و متفیق‌لری قارشی‌سیندا ادلیب‌دکی اینسانی بحرانا مانع اولماسا دا بیر قدر آزالتماغا جهد گؤستریر. تورکیه بیر طرف‌دن روسیا اوزریندکی سیاسی/ دیپلوماتیک گوجون‌دن ایستیفاده ائتمک اوچون یول‌لار آختاریر، دیگر طرف‌دن ایسه اولوسلار آراسی اجتماعی رای یارادا‌راق ادلیب مسئله‌سینده بحرانی یاتیزدیرماغا جهد گؤستریر. آنجاق تأسف کی، اولوسلار آراسی توپلوم ادلیب‌دکی میلیون‌لارلا سیویل وطنداشی گؤرمه‌مکده داوام ائدیر.
