تورک مطبخی (44)
سو بؤرهکی
تورک مطبخی (44)
ت.ر.ت تورکیهنین سسی رادیوسوندا، تورک مطبخی پروقرامیندان سلاملار.
تورک یئمک مدنیتینه دایر قیسا معلوماتلار اؤتورمک، تورک مطبخیندن رسپتلر وئریریک بو پروقرامدا.
موسیقی تورک یئمک مدنیتینده خمیر ایشلرینین، خصوصیله ده بؤرهک نوعلرینین یئری آیریدیر. ناهاردان، آخشام یئمیینه هر پایدا سئویلهرک مصرف ائدیلن بو یئمهیه اورتا شرقدن بالکانلارا؛ قوزئی آفریقادان اورتا آسیایا قدر گئنیش بیر جوغرافیادا راست گلرسینیز. هم ده هر زامان همیشه عینی آدلا. چونکی او عثمانلی مطبخینین حؤکم سوردوگو تورپاقلارا بوراخدیغی میراثلاردان بیر دنهسیدیر "بؤرهک". یاخشی اما ندیر بؤرهک دئیه سوروشاجاق اولسانیز؛ ان ساده مناسییلا، "آچیلمیش خمیرین و یا یوخانین آراسینا موختلیف ماتریاللارین قویولاراق پیشیریلدیغی بیر یئمکدیر". ایچی وسایلی اولاراق قییمهدن پنیره؛ گؤبهلکدن تویوغا، یئر المادان ایسپاناغا، قدر هر شئی ایستیفاده ائدیله بیلر. فرده، تاوادا یاغدا قیزاردیلاراق و یا ساج اوستونده پیشیریلهبیلیر. حال بئله اولونجا دا تورک مطبخینده یوزلرله نوع بؤرهکی راست گله بیلرسینیز. تورک مطبخی پروقرامیندا بو گون بیز ده ان بیلینن بؤرهک نوعلریندن بیری اولان "سو بؤرهکی" طریفی وئرجگیک. پیشیرمهسی بیر آز زحمتلی اولدوغو اوچون ایندیکی واختدا عمومیتله بؤرهک ساتان دوکانلاردان آلینان سو بؤرهکینی سیناماق ایستهینلر اطرافلی تعریفیمیزین فایدالانا بیلرلر.
موسیقی "سو بؤرهکی" ائتمک اوچون اوّل لازیم اولان وسایللری سایاق؛
5 سو ایستکانی اون
4 عدد یومورتا
2/3 سو ایستکانی سو
1/2 چای قاشیغی دوز
2/3 ایستکان اریدیلمیش کره یاغی
2 لیتر ایستی سو (خمیری قایناتماق اوچون)
1/2 چای قاشیغی دوز 1 یئمک قاشیغی زیتون یاغی
400 قرام آغ پنیر
1 / 2 دسته اینجه دوغرانمیش جعفری
سیرا گلدی سو بؤرهکینی حاضیرلاماغا. 5 سو ایستکانی اون، 4 عدد یومورتا، 2/3 سو ایستکانی سو و 1/2 چای قاشیغی دوز ایله اورتا آغیرلیقدا بیر خمیر یوغورون. یوغوردوغونوز خمیردن 10 عدد کیچیک توپ ائدین، توپلارین اوزرینی بیر بئزله اؤرتهرک خمیری بیر ساعات قدر استراحت ائتدیرین. بو واخت آغ پندیری چنگلله ازیب جعفری ایله قاریشدیراراق بؤرهکین ایچ خرجینی حاضیرلایین. ژانویهده گئنیش بیر قازان ایچریسینده 2 لیتر سو قاینادین. قاینایان سویا1 / 2 چای قاشیغی دوز و 1 یئمک قاشیغی زیتون یاغی علاوه ائدین. خمیر توپلارینی اونلانمیش دزگاهدا اوخلوو و یا مردان ایله بؤرهکی پیشیرجگینیز نیمچه بؤیوکلوگونده اینججیک آچین. آچدیغینیز بو خمیری قاینایان سویا آتیب 30-35 ثانیه پیشیرین. پیشن یوفکانی درحال سویوق سو دولو بیر قابا آتین.
10-15 ثانیه سویوق سودا گؤزلهین یوفکانی بیر کئفگیرله سودان چیخارین، سویونو یاخشیجا سوزدورون. فر مژمئییسینه کره یاغی ایله یاغلایین. آچدیغینیز یوفکالارین بیر دنهسینی بوشقابین دؤشمهسینه یایین. اوستونو 1 قاشیق ارینمیش کره یاغی ایله یاغلایین. قالان خمیر توپلارینین 4ون ده عینی عملیاتی تطبیق ائدین. بئشینجی یوفکانی یئرلشدیردیکدن سونرا پنیرلی ایچ خرجینی برابر شکیلده یوخانین اوستونه یایین. قالان بئش خمیر توپونو دا بنزر شکیلده کؤورک حالینا گتیریب، سودا قاینادیب، آرالارینا یاغ سورهرک فر مژمئییسینه یئرلشدیرین. سون قاتین اوزرینه بولجا اریمیش درجه تؤکوب فیرچایلا یایین. بؤرهکی فره قویمادان اوّل ایتی بیر پیچاقلا 5-6 سانتیملیق حالیندا دیلیملیین. اوّلدن ایسیدیلمیش 190 درجه فرده اوستو قیزارانا قدر پیشیرین. فردن چیخان بؤرهکی ایستی اولاراق سرویس ائدین.
تورک مطبخی پروقرامیندا بو گون سیزلره اورک مطبخینین وازگئچیلمزلریندن بیر اولان "سو بؤرهکی" تعریفی وئردیک. بیر باشقا پروقرامدا بیر باشقا تورک لذتیله گؤروشمک اوچون خوشچا قالین.