هفته‌نین آنالیزی :29
قلوبال خیانت شبکه‌سی
آنکارا ییلدیریم بایزید اونیورسیته سینین سیاسی معلومات‌لار فاکولته‌سی‌نین دئکانی پروفسور دوکتور قودرت بولبولون " قلوبال خیانت شبکه‌سی" آدلی آنالیتیک یازیسی.
15 ژوئیه 2016-جی ایلده فتح الله چی ترور تشکیلاتی‌نین (فتو) 251 نفرین شهید اولماسی و مین‌لرله اینسانیمیزین یارالانماسی ایله نتیجه‌لنن دؤولت چئوریلیشی جهدی‌نین 3-جو ایلدؤنومونه قدم باسدیق. تورکیه-نین تهلوکه‌سیزلیک، کشفیات، محکمه کیمی بوتون استراتژی قوروم‌لارینا گیزلنه‌رک یئرلشن فتو عضو‌لری اله کئچیردیک‌لری قوروم‌لاردان، دؤولتین طیاره‌لرین‌دن، تانک لاریندان ایستیفاده ائده‌رک خالقیمیزی، تورکیه بؤیوک میللت مجلیسینی، جمهور باشقانلیغی ایقامتگاهینی بومبالادی‌لار، دؤولت چئوریلیشینه جهد ائتمیشدی‌لر. زامانلا فتو-نون تورکیه و دونیا اوچون نئجه بیر تهلوکه اولدوغو داها یاخشی گؤروندو.
بو گونکو بؤلومده فتو-نون قلوبال سویه‌ده میدانا گتیردیگی تهلوکه و بونونلا باغلی گؤرولمه‌لی اولان تدبیرلر اوزرینده دایانماق ایستییریک.
فتو-نون قلوبال سویه سی و بوگونکو وضعیتی
تورکیه کیمی سیاستده آپاریجی اولان اؤلکه‌لر قلوبال گوج صاحب‌لری طرفیندن تک قویولمازلار. بو گون آلمانیا ایکینجی دونیا محاربه‌سیندن سونرا اونا دیکته ائدیلن بیر سیستم و نیظاملا ایداره ائدیلیر. تورکیه ده اوزون ایللر نیابتی رژیم‌لر طرفیندن ایداره اولونوردو. فتو سویوق محاربه‌دن سونرا تورکیه اوچون اوره تیلن یئنی بیر نیابتی قورولوش‌دور. تورکیه-نین جوغرافیاسی و تاریخی درین‌لیگی سببیندن تورکیه-یه یوک‌لنن معنانی دوشوندوکده فتو تورکیه اوزریندن اوره تیلمیش بیر بولگه نیابت لاییحه‌دیر. اؤزونو گیزلتمک‌دکی و فرق‌لی ماسکا‌لار گئیینه‌رک گئتدیگی اؤلکه‌لرده سیستمی اله کئچیرمک‌دکی اوغورو نظره آلساق، فتو-نون قلوبال بیر نیابت تشکیلاتینا چئوریلدیگینی گؤرریک.
15 ژوئیه نین 3-جو ایلدؤنومونده فتو-نون بیتیب-بیتمه‌دیگی موذاکیره ائدیلیر. اصل سیماسینی گیزلتمک و اینسان‌لاری آلداتماق اوزرینده قورولموش بیر ترور تشکیلاتی باره‌سینده اورتادا آچیق شکیلده موجود اولمادیغی اوچون دقیق بیر شئی سؤیله‌مک چتین‌دیر. آرتیق ماسکا ییرتیلیب و فتو-نون تورکیه-ده تشکیلات‌لی منفی فعالیتی‌نین حجمی بؤیوک درجه‌ده آزالیب. تورکیه-ده آرتیق فتو-یه دایر چوخ آیدین بیر فرقینده‌لیک شعورو مؤجوددور. تورکیه-ده فتو بون‌دان سونرا، تشکیلات‌لی غرضلی موضعی باخیمیندان دئییل، عضو‌لری‌نین شخصی ترور توتوم‌لاری باخیمیندان بؤیوک تهلوکه‌دیر.
یوخاریدا دا ایفاده ائدیلدیگی کیمی، تورکیه کیمی اؤلکه‌لری دایم نیابتی پروژه لر آلتیندا ساخلاماق ایسته‌یه‌جک‌لر. بو سبب‌دن یئنی نیابت فاکتورلار اولا‌راق یئنی فتو احتیمال‌لاری هر زامان موذاکیره موضوع سو اولا‌جاق. فتو قلوبال آرئنادا هله ده بؤیوک بیر تهلوکه‌دیر.
فتو، پ.کا.کا، داعش کیمی تشکیلات‌لار قلوبال آکتیورلار اوچون پراکتیک بیر تشکیلات‌لاردیر. معاصر دونیادا محاربه‌لرین کاراکتئری دییشیب. بیولوژی محاربه‌لر، ژنی دییشدیریلمیش بؤجک‌لر ده یئنی نوع محاربه عامل‌لری‌دیر. فتو پ.کا.کا و داعش ایله موقاییسه‌ده ژنی مودیفیکاسیا اولونموش بیر تشکیلات اولا‌راق داها چوخ تأثیره مالیک‌دیر. چونکی 150-دن آرتیق اؤلکه‌یه یولوخدورولموش بیر وضعیت الده ائدیب. بو چرچیوه‌ده دستک وئرن کشفیات تشکیلات‌لاری فتو-نو اؤزلری اوچون چوخ موناسیب گؤرورلر. فتو عضو‌لری یارادیلمیش بیولوژی حشرات‌لاردان فرق‌لی اولا‌راق تکجه طبیعتده دئییل، گیردیک‌لری اؤلکه‌نین مرکزینده، کشفیات، تهلوکه‌سیزلیک، محکمه و استراتژی قوروم‌لاریندا فعال‌دیرلار.
دیگر طرف‌دن، یئرلشدیک‌لری اؤلکه‌لرین چوخو فتو-نون اصل سیماسینی تانیمیرلار، اونو سیویل، دینی قورولوش حساب ائدیرلر. بو اؤلکه‌لر بیولوژی حشرات‌لار، و یا آپارات‌لار کیمی، فتو-نون باشقا اؤلکه‌لره ایچینده اولدوق‌لاری اؤلکه علیهینه کشفیات معلومات‌لاری اؤتوردوک‌لری‌نین فرقینده دئییل‌لر.
تورکیه باخیمیندان ایسه، اوغورسوز جهدلرین‌دن سونرا تورکیه علیهینه ایفرات سول، پ.کا.کا، ارمنی دایره‌لری ایله امکداشلیق ائده‌رک تورکیه-یه ضرر وئرمه‌یه جهد گؤستریرلر.
نلر ائدیله بیلر؟
قلوبال سویه‌ده: فتو ایله ایشله‌ین اؤلکه‌لرین خصوصی خیدمت اورقان‌لاری فتو خیانت پروقرامی‌نین یالنیز اونلارلا اوزلاشمیش بیر شکیلده ایشله‌یه‌جگینی دوشونورلر. فتو-دان ایستیفاده ائتدیک‌لرینی گومان ائدیرلر. حالبوکی، فتو اوندان ایستیفاده ائدن اؤلکه‌نین خصوصی خیدمت اورقان‌لاری اوچون ده بیر تهلوکه‌دیر. عائله‌لرینه، اؤلکه‌سینه، ایچیندن چیخدیغی جمعیته صداقتی اولمایان بیر ترور تشکیلاتی‌نین، بو اؤلکه‌لره صادق قالا‌جاق‌لارینی دوشونمک راسیونال‌لیق‌دان اوزاق‌دیر.
تورکیه 15 ژوئیه 2016-جی ایلده دونیایا بیر چئوریلیشه نئجه مقاومت گؤستریلیردیگینی، دموکراتیک، میللی ایراده، آزادلیق‌لار و وطنداش جمعیتی‌نین نئجه قورونماسینی چوخ گؤزل بیر شکیلده گؤستردی. تورکیه بمت، آوروپا شوراسی و دیگر اولوسلار آراسی قوروم و تشکیلات‌لارلا دموکراتیک، وطنداش جمعیتی و آزادلیق‌لارین قورونماسینی و گوجلندیریلمه‌سینی هدفله‌ین رسمی، و یا سیویل تشکیلات‌لارلا بو تجروبنی بؤلوشمک اوچون امکداشلیق ائده بیلر. بو ایستیقامتده همین تشکیلات‌لارلا بیرگه پروقراملار ترتیب ائده بیلر.
تورکیه بؤیوک میللت مجلیسی غازی بیر مجلیس اولا‌راق هر ایل قلوبال سویه‌ده "15 یول میللی ایراده" موکافات‌لاری وئره بیلر.
فتو-نون فعالیت گؤستردیگی اؤلکه‌لرله باغلی گؤروله‌جک تدبیرلر؛
تورکیه فتو-نون فعالیت گؤستردیگی اؤلکه‌لردکی تحصیل ایشلرینه قارشی آکتیو بیر فعالیت آپاریر. اما فتو فعالیتده اولدوغو بیر چوخ اؤلکه‌ده بیر سیرا استراتژی موضعی اله کئچیره‌رک بعضی اؤلکه‌لره تامامیله نظارت ائدیر. فرقینده اولماسا‌لار دا، ایچینده اولدوق‌لاری تهلوکه‌نین اؤلچوسونو گؤرمه‌لرینی تامین ائده‌جک سعی‌لری ایسرارلا داوام ائتدیرمک لازیم‌دیر.
دؤولت، کشفیات و دؤولت اورقان‌لاری سویه‌سینده؛ پرزیدنتیمیز فتو علیهینه موباریزنی ان گوج‌لو شکیلده داوام ائتدیریر. دیگر دؤولت قوروم‌لاریمیز دا معادل تشکیلات‌لارین فتو-نون تورکیه اوچون دئییل، محض اؤزلری اوچون تهدید اولدوغونا دایر معارف لندیریجی و خبردارائدیجی ایشلرینی آرتیرا بیلرلر.
اونیورسیته لر، بئیین مرکزلری، ضیا‌لی‌لار طرفیندن گؤرولمه‌لی تدبیرلر؛
تورکیه‌نین قت ائتدیگی اوزون مسافه‌یه باخمایا‌راق، آدی بیر اینسانین کولت تشکیلات داخیلینده نئجه بیر مانقوردا چئویردیگی‌نین، آزغین بیر اینانجلا نئجه هر نوع پیس‌لیگی ائده بیله‌جک حالا گلدیگی‌نین مرحله‌لری هله اورتایا قویولماییب. تشکیلاتا یولوخان‌لارا قارشی بیر آنتی-ویروس پروقرامی ترتیب اولونماییب. موختلیف اؤلکه‌لردن اونیورسیته لر، بئیین مرکزلری، علم و دین اینسان‌لاری بیرلشه‌رک، بو پروقرامین یارادیلماسی ایستیقامتینده ایشلر گؤره بیلرلر. تورکیه اونیورسیته لری و "بئیین مرکزلری" فتو-نون خصوصیله فعال اولدوغو اؤلکه‌لردکی قوروم‌لاری ایله بیرگه راپورلار، فعالیت‌لر، سمینارلار تشکیل ائده‌رک، تجروبه موبادیله‌لری آپارا بیلرلر.
خصوصیله، فتو-نون نئجه بیر تشکیلات اولماسی ایله باغلی دیرلندیرمه‌لره، مولکی شخص‌لرین فتو حاقین‌داکی معارف لندیریجی ایشلرینه اوستونلوک وئریلمه‌لی‌دیر.
مئدیا/معلوماتلاندیرما/خاطیرلاتما فعالیت‌لری:
بیزیم کیمی جمعیت‌لر اونوتماغا داها چوخ میل‌لی‌دیر. بو نوع آغری-آجی‌لارین یئنی‌دن باش وئرمه‌مه‌سینه، تجروبه‌لرین گله‌جک نسیل‌لره اؤتورولمه‌سینه یؤنلمیش فعالیت‌لر آپاریلما‌لی‌دیر. بو باخیمدان ان چوخ شهید وئریلن یئرلرده فتو خیانت موزه لری یارادیلا بیلر. فتو خیانتیندن بحث ائدن سیار سرگی‌لر تشکیل ائدیله بیلر. بو موزه لر و سرگی‌لرده ساده اینسان‌لارین او گون گؤستردیک‌لری قهرمان‌لیق‌لار، قیسا حیات حکایه‌لری، شخصی اشیا‌لاری، حیات یولداشی، اوشاق‌لاری و یاخین‌لاری‌نین حیس‌لری عکس اولونا بیلر. سرگی‌لر خاریجی اؤلکه‌لرده ده ده کئچیریله بیلر، خاریجی نماینده‌لیک‌لرده معین زامان‌لاردا نوماییش ائتدیریله بیلر. خاریج‌دن گلن‌لرین بو موزه لره گئتمه‌لری تشکیل ائدیله بیلر.
تورکیه فتو مسئله‌سینده چوخ آغیر قوربان‌لار، شهیدلر وئره‌رک، تاریخی‌نین ان حیله‌گر ترور تشکیلاتی حاقیندا چوخ دیرلی بیر فرقینده‌لیک الده ائتدی، بو تهلوکه‌نی اؤز اؤلکه‌سینده اساساً دفع ائتدی. یوخاریدا سادا‌لانان فعالیت‌لر تورکیه اوچون دئییل، عایید اؤلکه‌لر و بشریت اوچون واجیب فعالیت‌لردیر. تورکیه وئردیگی آغیر قوربان‌لاری دیگر اؤلکه‌لرین وئرمه‌مه‌سی، خیانتی اونلارین دا یاشاماماسی اوچون سعی گؤستریر. اومیدوارام کی، تورکیه-نین سعی دوست‌لاری و عایید اؤلکه‌لر طرفیندن آغیر قوربان‌لار وئریلمه‌دن واختیندا گؤرولر.
