تورک مطبخی (07)
بالقاباق
سلام.
تورک مطبخینه 17-جی عصرده گیرمیش، آنا وطنی آمریکا اولان بیر میوه‌یه قوناق ائدجگیک بو گون پروقراممیمیزدا. هانی بو تنبل ناغیلیندا آتلی آرابایا چئوریلن، موختلیف اؤلکه‌لرده قئید اولونان جادوگرلر بایرامی‌نین سمبولو حالینا گلمیش؛ کوره شکیل‌لی، نارینجی رنگ‌لی اولان میوه. بیلدینیز، ائله دئییلمی؟ بالقاباق‌دان بحث ائدیریک. بو تورپاق‌لارا اولدوقجا گئج گلمیش اولماسینا باخمایا‌راق، آنادولو ایقلیم شرایطینه اویغونلاشمیش و سرعتله شاخلانمیش بیر میوه بالقاباغی. بالقاباغین میوه، یوخسا تروز اولدوغو مسئله‌سینده موباحیثه‌لر هله داوام ائتسه ده، قطعی اولان بیر شئی وار؛ او دا بالقاباق تورک متبخینده چوخ سئویلدیگی اتلی شوربا‌دان، شوربایا؛ پیروق‌دان شیرینه قدر بیر چوخ فرق‌لی یئمگی پیشیریلیر بالقاباق. اما اؤلکه‌میزده بالقاباق ان چوخ "قاباق دادلی‌سی" ائدیله‌رک مصرف اولور و سئویلیر. تورک مطبخی پروقرامیندا بو گون بیز ده سیزلرله بیشیریلمه‌سی اولدوقجا آسان، اما لذتی شاهانا بیر "بالقاباق دادلی‌سی" تعریفی پایلاشاجاغیق.
-------
بالقاباق شیرنیاتی بیشیرمک اوچون او قدر ده چوخ وسایته احتیاجیمیز یوخ‌دور. ایکی اساس ماتریالیمیز وار؛ بالقاباق و شکر. اؤلچولری ایسه بئله؛
- 1 کیلو قرام سویولموش و ایکی بارماق قالینلیغیندا دوغرانمیش بالقاباغی
- 500 قرام توز شکر
- 1 سو ایستکانی ایری پارچالانمیش گرده‌کان/ قوز
- سود قایماغی و یا خاما
- 3-4 عدد قر‌نفیل
گله‌لیک شیرنیمیزین بیشیریلمه‌سینه؛
ایکی بارماق‌لیق قالینلیغیندا دوغرانمیش بالقاباق بول سودا یویون. یویولموش بالقاباق‌لاری گئنیش بیر قازانا گؤرونوش و اوزرینی اؤرته‌جک قدر شکر قویون. قازانین دار ایسه 1 قات بالقاباق، 1 قات شکر دوزه‌رک بوتون ماتریا‌لی بیتیرین. ان اوسته میخک دنه‌لرینی سپین. قازانین قاپاغینی اؤرتون، بالقاباغین سولانیب شکرین اریمه‌سی اوچون ان آز 4 ساعت مومکونسه 1 گئجه اوتاق ایستیلیگینده ساخلایین. ارته‌سی گون بالقاباغی ضعیف اوددا یاخشیجا یوموشانا قدر تخمینن 50-55 دقیقه بیشیرین. بیشن شیرنینیز سویویاندا سرویس بوشقاب‌لارینا آلین. اوزرینه قایماق و یا خاما قویون. ان اوسته گیردکان سپه‌رک سوفره‌یه وئرین.
عافیت اولسون!
---------
تورک مطبخی پروقرامیندا بو گون "بالقاباق شیرینی" تعریفی وئردیک سیزه. باشقا بیر وئریلیشده بیر باشقا تورک لذتی ایله گؤروشمک اوچون ساغلیقلا قالین.
