تورکیه پنجره سیندن اورتادوغو(32)
31 ژوئیه‌ده تونیس پارلامنتی‌نین 118 عضوو السید حکومتینه اعتیمادسیزلیق رایی وئردی. بیر نئچه گون سونرا دا پرزیدنت السبسی یئنه اؤز پارتیسین‌دن و السید حکومتی‌نین ناظیرلرین‌دن یوسوف الشاهیدی یئنی حکومتی قورماقلا وظیفه‌لندیردی
تورکیه پنجره سیندن اورتادوغو(32)
عرب باهارینین بئشیگی تونیس، چتین بیر دؤنمچدن کئچیر. اؤلکه اولدوقجا جدی پروبلم‌لرله قارشی-قارشییا. ذین العابدین بن علی‌نین خالق قیامی نتیجه‌سینده آشدیغی 2011-جی ایلده بو زامانا قدر بئش ایل عرضینده اؤلکه‌ده آلتی باش ناظیر دییشدی. گوونلیک، ثابت‌لیک، یوکسک توررم و ایشسیزلیک پروبلم‌لری جدی اؤلچولره وارمیش. اقتصادین بؤیومه سرعتی ده عرب باهاری اوّلی‌نین گئری‌سینه دوشموش. بو ایلین ایلک چئیرگینده بویومه سرعتی یوزده 1-ی کئچه بیلمه‌دی. تونیس دیناری دو‌لار قارشی‌سیندا دگر ایتیررکن ایشسیزلیک نیسبتی یوزده 15-ی کئچمیش. تونیس اقتیصادی‌نین موتورو توریزم ده 2015 ترور سالدیریسی نتیجه‌سینده آلمیش اولدوغو یارا‌لارینی هله سارامادی.
آیریجا 2011 اینقیلابی اوّلی‌نین تشکیلات‌لاری‌نین اصلاحات ائدیله بیلممه‌سی‌نین سبب اولدوغو غیری قانونیلیک و روشوت اؤلکه‌نین ان بؤیوک پروبلم‌لری آراسیندا اولماغا داوام ائدیر. عرب دونیاسینا مودئل میدانا گتیرن دونیانین ان گنج دموکراسیلریندن بیری اولان تونیسده پروبلم‌لرین دموکراتیک رژیم ایچینده قالماقلا حلّ ائدیلمه‌سی هم اؤلکه‌نین، هم ده یاخین شرق بؤلگه‌سی‌نین گله‌جگی باخیمین‌دان بؤیوک اهمیت داشیییر.
اؤلکه‌نین ایچینده اولدوغو چتین وضعیت سببیله باش ناظیر حبیب اسید حکومتی سون ایکی آی ایچینده وظیفه‌سی بوراخماسی ایستیقامتینده جدی تضییق‌لره معروض قالدی. باش ناظیرله عینی پارتی‌دن اولان پرزیدنتی الباجی قاعده السبسی‌نین ژوئن آییندا حکومتی تنقید ائتمه‌سی و یئنی بیر میللی بیرلیک حکومتی قورولماسینی ملاحظه‌سی‌نین آردین‌دان حکومت اوچون گئرییه ساییم باشلامیشدی.
31 ژوئیه‌ده تونیس پارلامنتی‌نین 118 عضوو السید حکومتینه اعتیمادسیزلیق رایی وئردی. بیر نئچه گون سونرا دا پرزیدنت السبسی یئنه اؤز پارتیسین‌دن و السید حکومتی‌نین ناظیرلرین‌دن یوسوف الشاهیدی یئنی حکومتی قورماقلا وظیفه‌لندیردی.
اصلینده السبسی‌نین پارتیسی ندا تونیس، پارتی ایچینده آنلاشیلمازلیق نتیجه‌سینده 22 میللت وکیلی‌نین ایستعفا ائتمه‌سی نتیجه‌سینده پارلامنت‌دکی اکثریتینی ایتیرمیش وضعیتده. ایندیکی واختدا مسلمان دونیانین مشهور سیاسی موتفککیرلرین‌دن اولان راشید غنوشی‌نین پارتیسی نهضه حرکتی بو آن پارلامنتودا ان چوخ مییل وکیلینه صاحب. آنجاق نهضه، اؤلکه‌نین ایچینده اولدوغو نازیک شرط‌لر سببیله باش ناظیرین اؤز پارتیسین‌دن سئچیلممسینه بیر پروبلم اولا‌راق گؤرمور. دموکراسی‌نین یئرلشمه‌سینی و سیاسی اقتدارین تامین ائدیلمه‌سینی اساس اؤنجه‌لیک اولا‌راق بلیرلمیش وضعیتده. نهضه کئچمیش تجروبه‌لرین شعورویلا حرکت ائدیر. دموکراسی‌نین رفه قالدیریلماسین‌دان ان منفی شکیلده تأثیرلنه‌جک اولان‌لارین اؤز کوتله‌سی اولاجاغین‌دان امین اولا‌راق حرکت ائدیر.
باش ناظیرلیق وظیفه‌سی‌نین اؤز پارتیسینه عایید بیر میللت وکیلینی اولماسینی طلب ائتمه‌ین نهضه حرکتی ده میللی بیرلیک حکومتی فیکرینی دستکلییر. داها چوخ سیاسی پارتینی ایچینده ساخلایا‌جاق اولان بیر حکومتین اویوم ایچینده اولماسی‌نین داها چتین اولاجاغی بیر گئرچک؛ لاکین بونون باشقا اوستونلوک‌لری وار. حکومتین آلماسی لازیم اولان رادیکال اصلاحات قرارلارینا وئریله‌جک گئنیش اساس‌لی بیر دستک اولدوقجا اهمیت‌لی. آلینماسی و تطبیق اولونماسی لازیم اولان رادیکال اصلاحات‌لار اوچون گئنیش بیر راضیلاشما زمینی تامین ائدیلمه‌سی بیر ضرورت اولا‌راق اؤزونو قبول ائدیر.
گنج تونیس دموکراسیسی هله اسکی اوتوریتر نیظامین تشکیلات‌لاری‌نین میدانا گتیردیگی بیر زمینده حیات ساحه‌سی قورماغا چالیشیر. لاکین، اسکی دؤورون قوروم‌لاری‌نین اصلاحاتی و بو تشکیلات‌لارین داوام ائتدیریلمه‌سین‌دن منفتی اولان قروب‌لارین مقاومتینی قیرماق چوخ آسان دئییل. آنجاق ایچینده اولولان ثابت‌لیک، گوونلیک، یوکسک تورّم و ایشسیزلیک پروبلم‌لری‌نین سؤیکدیگی مجبوریت نتیجه‌سینده یارادیلان بیر میللی بیرلیک حکومتی بو وضعیتده بیر چیخیش یولو تامین ائده بیلر. لازیم اولان اصلاحات‌لارین حیاتا کئچیریلمه‌سی و ایستاتوکودان منفتی اولان‌لارین مقاومتی‌نین قیریلماسی بؤیوک اؤلچوده گئنیش اساس‌لی میللی بیرلیک حکومتی ایله مومکون اولا‌جاق.
آیریجا حکومتین اولدوقجا گئنیش بیر دؤشمه‌یه یاییلمیش اولماسی پرزیدنتی‌نین پارتیسی و یارادیلا‌جاق کوالیسیونون اساس آکتورو ندا تونیسده گؤرولن منفی‌لیک‌لره قارشی دا تورموز تأثیری یارادا‌جاق. ندا تونیس‌دن بؤیوک بیر قروپون آیریلا‌راق آیری پارتی قورماسی‌نین ان اهمیت‌لی سببینی، پرزیدنتی‌نین پارتینی عائله مولکو کیمی گؤردوگو و اوغلو حافیظ قاضی السبسی‌نین پارتی ایچینده گئده‌رک آغیرلیغی‌نین آرتدیغی سؤز-صحبت‌لری میدانا گتیریر. پرزیدنتی‌نین حکومتی قورماقلا وظیفه‌لندیردیگی یوسوف ال شاهیدین ده اوزاق‌دان قوهومو اولماسی نئپوتیزم ادعا‌لارینی تکرار گوندمه گتیردی.
آنجاق پارتیده بو ایستیقامتده وار اولدوغو سؤیلنیلن مئیلین بیر میللی بیرلیک حکومتی ایله داها آسان تؤرپولنه‌بیله‌جگینی ادعا ائتمه‌میز مومکون. چونکی اولدوقجا گئنیش اساس‌لی بیر حکومتین وارلیغینی اوزون داوام‌لی قیلماسی و باشاریلی اولا بیلمه‌سی بؤیوک اؤلچوده کوالیسیون اساس پارتیسی‌نین اولومسوزلوک‌لاری‌نین اؤنونه کئچیلمه‌سینده کئچیر.
یاخین شرق و شما‌لی آفریقانین گله‌جگی، عرب اورتادوغوسوندا بیر دموکراسی مودئلی اولا‌راق وارلیغینی داوام ائتدیرن گنج تونیس دموکراسیسی‌نین گله‌جک‌دکی سیاسی ثابت‌لیگینه و قانونون اوستونلوغونه سؤیکنن بیر رژیمین تاسیس ائدیلمه‌سینه باغلی. بو باخیم‌دان کیچیک بیر اؤلکه اولان تونیسین چیگین‌لرینده چوخ بؤیوک بیر یوک وار. تونیس‌لی سیاستچی‌لرین بو یوکون شعورویلا حرکت ائتمه‌لری هم تونیسین و اورتا شرقین گله‌جگینی هم ده اوروپانین گوونلیگینی بیرباشا تأثیر ائده‌جک.
