آژانس آوراسیا (44)
دونیا دیلی تورکجه سمپوزیومو
آژانس آوراسیا (44)
سایین اوخورلار!
بو هفتهکی پروگرامدا دوراقلاریمیز، 18 اکتبردا موستقیللیک گونونو بؤیوک جوشقویلا قوتلایان آذربایجان و 7.جی اولوسلارآراسی دونیا دیلی تورکجه سمپوزیومونا ائو صاحبلیگی ائدن تورکیه اولاجاق!
ایلک دوراغیمیز آذربایجان!
تاریخ، 18 اکتبر 1991-جی ...
آذربایجان تورکو اوچون اؤنملی بیر دؤنوش نقطهسی ...
23 ایل اول آذربایجان، عینی عصرده ایکینجی دفعه موستقیللیگینه قوووشدو.
آذربایجانین موستقیللیک سورهجی هئچ ده آسان اولمادی.
موستقیللییه گئدن یول چتین و قانلی موباریزهلردن گئچدی.
آذربایجانین موستقیللیکله بیتن موباریزهسی 20-جی عصرین اوللرینه قدر اوزانیر ...
ایلک موستقیل جمهوریت 1918-جی ایلده قورولدو، آنجاق عؤمرو اوزون اولمادی.
1920دکی سووئت ایشغالیندان سونارا دا مباریزه داوام ائتدی.
یئنیدن موستقیللییه اوزانان کریتیک مباریزه ایسه 80-جی ایللرین سونلاریندا باشلادی.
1980لی ایللرین سونوندا سووئت سیستئی چؤکمه نوقطهسیندایدی.
قافقازدا، اؤزللیکله ده آذربایجاندا موستقیللیک فیکری یئنیدن گوجلنمهیه باشلادی.
بو وضعیت موسکوانین خوشونا گلمهدی.
چونکو، چتین دؤنمه گیرن سووئت اقتیصادینین شاه داماری آذربایجان نفتی ایدی.
سووئت حکومتی، آذربایجاندا آلوولانان موستقیللیک آختاریشینا، ارمنی کارتییلا جاواب وئردی.
فوریه 1988-جی ایلده آذربایجانا باغلی قاراباغدا رسمی تشکیلاتلارا ارمنیستان بایراغی چئکیلدی.
ارمنیلر هم قاراباغدا، هم ارمنیستاندا آذربایجان تورکلرینه قارشی "ائتنیک تمیزلمه کامپانیاسی" باشلاتدی.
ایلک مرحلهده 270 مین آذربایجانلی، دوغولدوغو تورپاقلاردان کؤچه مجبور ائدیلدی.
بو سایی ایرهلیلهین ایللرده بیر میلیونو آشدی.
داغلیق قاراباغین باکی ایله باغلارینین قوپاریلماسی و ناخجیوانلا آذربایجان قورو یولو باغلانتیسینین کسیلمهسی ایسه بارداغی داشیران سون داملا اولدو.
آذربایجان خالقی تپکیسینی میتینگلرله دونیایا چاتدیرماغا چالیشدی.
موستقیللیک بایراغی آرتیق انگللنهممز شکیلده دالغالانماغا باشلادی.
خالق، قاراباغدا یاشانانلارا و سووئتلر بیرلیگینه تپکیسینی ائشیتدیرمک اوچون کوچهلرده گئجهلهدی.
ژانویه 1990-جی ایلده سووئت اوردوسوندا حرکتلیلیک گؤزلنیر و آرتیق قیزیل اوردونون باکییا گیرجیی یاخشی یاخشی دانیشیلیر اولموشدو.
بو موحیطده 18 ژانویهده باکی و آذربایجانین 18 بؤلگهسینده سووئت اوردوسو و ارمنیستانا اعتراض میتینگلری داوام ائدیردی.
19 ژانویهنی 20 ژانویهیه باغلایان گئجه قیزیل اوردو باکییا گیردی.
قیزیل اوردونون تانکلاری باکینی محاصرهیه آلدی. سووئتلر بیرلیگی گوجونو سون دفعه و مرحمتسیزجه آذربایجان تورکو اوزرینده سینادی.
بوتون دونیانین گؤزو قارشیسیندا حیاتا گئچیریلن بو قیرغین موسکوا حکومتی طرفیندن اؤرت باسدیر ائدیلمهیه چالیشیلدی.
موسکوا اؤلو ساییسینی 132 اولاراق آچیقلادی.
قتل ائدیلنلر باکیدا 1918 قتل عامیندا شهید ائدیلن آذربایجان تورکلرینین دفن ائدیلدیگی شهیدلر خیابانیندا تورپاغا وئریلدی.
قانلا، اؤفکه ایله و تانکلا ازیلمک ایستنن بو موستقیللیک، آذربایجان اوچون بیر دؤنوش نقطهسی اولدو ...
20 یانوار یعنی 20 ژانویه 1990 تاریخی بو یئنیدن دوغوشون آدی اولدو.
تاریخه قارا یانوار اولاراق گئچن بو قیرغین آذربایجان تورکونون موستقیللیک عزمینی داها دا گوجلندیردی.
باکیدا سووئت حکومتینه عاید شکیللر، هیکللر، یازیلار قیساجاسی نه وارسا بوتون ایزلر سیلیندی ...
آذربایجان آرتیق موستقیللیک اوچون گون ساییردی.
او گونلرده بو دفعه موسکوادان ایستی خبرلر گلمهیه باشلادی.
سون سووئت لیدئری میخایل قورباچووا قارشی چئوریلیش جهدلری و گئدهرک درینلشن ثابتسیزلیک بوتون تورک جغرافیاسیندا اولدوغو کیمی آذربایجانین دا موستقیللیک سورهجینی سورعتلندیردی.
سووئتلر بیرلیگینین داغیلماسییلا 18 اکتیبر 1991-جی ایلده آذربایجان دؤولتینین موستقیللیگینه دایر قانون قبول ائدیلدی.
و 29 دسامبردا ائدیلن رفراندوملا آذربایجان موستقیللیگینی اعلان ائتدی.
خالقین یوزده 95ی اوی وئررک اؤلکهنین موستقیللیک، اگمنلیک و ایستیقلالینا اوی وئردی.
موستقیللیگین اعلان ائدیلمهسیندن سونرا دؤولت بایراغی، هیمنی و گئربی حاقینداکی قانونلار قبول ائدیلدی.
آذربایجاندا ایلک دفعه بوتون سیاسی قوهلر آراسیندا میلی بیرلیک او گون - 18 اکتبردا اولوشور.
سونرا آذربایجانین موستقیللیگینین دونیا طرفیندن تانینما پروسهسی باشلادی.
ایلک اولاراق تورکیه، سونرا پاکیستان، رومانی آذربایجانین موستقیللیگینی تانیدیغینی اعلان ائتدی.
گئچن مدتده آذربایجان امین آددیملارلا گلهجهیه ایرلیلیرکن ان بؤیوک پروبلئمی قاراباغین ارمنیلر طرفیندن ایشغالی اولدو.
تورپاقلارینین یوزده 20سی ایشغال ائدیلرکن بیر یاریم میلیون آذربایجان تورکو تورپاقلارینی ترک ائتمک مجبوریتینده قالدی.
بیرلشمیش میللتلر تشکیلاتینین قرارلارینا باخمایاراق و گئچن او قدر ایله قارشی ایشغال هله سونا چاتمادی و پروبلئم هله چؤزوم گؤزلییر ...
آذربایجان، گئچن بو مدتده فعلی ساواش وضعیتینده اولماسینا باخمایاراق ثابتلیک و اینکیشافینی قرارلی بیر شکیلده داوام ائتدیردی.
نفت و گازدان الده ائتدیگی گلیری اینکیشافینا یؤنلندیرن آذربایجان، گئریده بوراخدیغی بو چتین و آجیلی سورهجه باخمایاراق بؤلگهنین پارلایان اولدوزو اولدو.
7-جی اولوسلارآراسی دونیا دیلی تورکجه سمپوزیومو، 14 اؤلکهدن 183 بیلیم اینسانینی ائلآزیغدا بولوشدوردو.
فیرات اونیورسیتهسینین ائو صاحبلیگی ایله تشکیل ائدیلن سمپوزیومدا، تورکولوگلار، 200 میلیون اینسانین دانیشدیغی تورک دیلینین بوگونونو و گلهجیینی موذاکیره ائدیلدی.
دونیا دیلی تورکجه سمپوزیوملارینین ایلکی، 2008-جی ایلده آنکارادا، باشکند اونیورسیتهسینده تشکیل ائدیلدی.
آردیندان لئفکوشا، ایزمیر، موغلا، دنیزلی و بورسا سمپوزیوما ائو صاحبلیگی ائتدی.
بو ایل ده دونیانین دؤرد بیر یانیندان گلن تورکولوگلار، ائلآزیغ فیرات اونیورسیتهسینده بولوشدو.
7.جی دونیا دیلی تورکجه سمپوزیوموندا بیلیم اینسانلاری 30 آیری اوتورومدا بیر آرایا گلدی.
تاتاریستاندان کوزووایا، افغانیستاندان مصره، 14 اؤلکهدن 183 تورکولوگ، 2 گون عرضینده تورکجه ایله علاقهلی چایلشمالارینی اورتایا قویدو.
156 بیلدیرینین سونولدوغو سمپوزیومدا، بیلیم، دیپلوماسی، یازی و کولتور دیلی اولاراق تورکجهنین دونیا دیللری اوزریندکی یئری اله آلیندی.
خاریجی دیل اولاراق تورکجهنین تدریسی، کؤک بیلیمی و آغیز آراشدیرمالاری سمپوزیومون مؤوضوعلاری آراسیندا ایدی.
سمپوزیومون اؤنملی گوندم مادهلریندن بیری ده، تورک دونیاسیندا الیفبا بیرلیگی تامین ائدیلمهسی اولدو.
سمپوزیوم چرچیوهسینده، چالیشمالاریله تورک دیلینه قاتقی وئرن شخص و تشکیلاتلارا دا خیدمت اؤدوللری وئریلدی.
بو ایلکی اؤدوللره، یونوس امره انستیتوتو ایله آرداحان اونیورسیتهسی رئکتورو پروفسور رمضان قورخماز لاییق گؤرولدو.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی