آمریکادا تورک فستیوالی
تورک مدنیتینین و مطبخینین سئچکین نومونه‌لرینین تانیدیلدیغی فستیوال‌دا، اؤزللیکله فولکلور قروپونون گؤستریلری ماراق گؤردو
آمریکا بیرلشمیش دؤولتلرینین باشکندی واشینگتون‌دا تشکیل ائدیله‌ن گله‌نکسل تورک فستیوالی، بو ایل ده بؤیوک ماراق گؤردو.
واشینگتون تورک-آمریکا درنه‌گی طرفیندن هر ایل منظم شکیلده ائدیله‌ن تورک فستیوالی، بو ایل کنگره بیناسینین اؤنونده‌کی پنسیلوانیا جاده‌سینده تشکیل ائدیلدی.
تورکیه‌نین واشینگتون ائلچیسی حسن مراد مرجان دا فستیوالا گله‌رک غرفه‌لری گزدی، قاتیلیمچیلارلا شکیل چکدیردی.
تورک مدنیتینین و مطبخینین سئچکین نومونه‌لرینین تانیدیلدیغی فستیوال‌دا، اؤزللیکله فولکلور قروپونون گؤستریلری ماراق گؤردو.
اوشاقلار اوچون اویونلارین تشکیل ائدیلدیگی فستیوال‌دا، قاتیلیمچیلار جانلی موسیقی و مد‌نی فعالیتلرله اگله‌ندی.
عثمانلی-تورک مدنیتینی عکس ائتدیره‌ن محصوللارین سرگیله‌ندیگی غرقه‌لر قاتیلیمچیلارین ماراغینی چکدی. ال توخوماسی تورک خالچالاری، گله‌نکسل عثمانلی پالتارلاری و چینیلر قوناقلار طرفیندن ماراقلا اینجه‌لندی.
فستیوال ۲۰ میندن چوخ قوناق آغیرلادی.
