کاپادوکیایا ۳ میلیوندان چوخ توریست گلدی
پری‌باجالاری، ایستی هاوا بالنلاری، یئرآلتی شهرلری، قایادان اویما هتل و کلیسه‌لریله مشهور کاپادوکیا بؤلگه‌سینده‌کی مرکزلری، ایلین ۸ آییندا ۳ میلیون ۵۳ مین ۸۲۷ یئرلی و خاریجی توریست گزدی
2033905
تورکیه‌نین اؤنملی توریزم بؤلگه‌لرین‌دن نئوشهیر کاپادوکیاداکی موزه و تاریخی یئرلری، ژانویه-آگوست دؤنمینده ۳ میلیون ۵۳ مین ۸۲۷ توریستی آغیرلادی.
والیلیکدن وئریلن آچیقلامایا گؤره، پری‌باجالاری، ایستی هاوا بالنلاری، یئرآلتی شهرلری، قایادان اویما هتل و کلیسه‌لریله مشهور کاپادوکیا بؤلگه‌سینده‌کی مرکزلری، ایلین ۸ آییندا ۳ میلیون ۵۳ مین ۸۲۷ یئرلی و خاریجی توریست گزدی.
مدنیت و توریزم مودورلوگونه باغلی موزه‌لر آراسیندا حاجی‌بکتاش ولی موزه‌سی ۲۸۵ مین ۲۰۰ نفر ایله ان چوخ قوناق آغیرلایا‌ن یئر اولدو.
زئلوه تاریخی یئری ۱۰۹ مین ۱۴، گؤره‌مه آچیق هاوا موزه‌سینی ایسه ۱۰۰ مین ۵۶۵ یئرلی و خاریجی توریست گزدی.
بؤلگه‌ده گزیلن مرکزلر، گئچه‌ن ایلین عینی دؤورونده ۲ میلیون ۵۴۴ مین ۹۰۹ یئرلی و خاریجی توریستی آغیرلامیشدی.
