بتهوونین اؤلوم ندنی بللی اولدو
بتهوونین حیرانلارینین خاطره اولاراق ساخلادیغی بیلدیریلن ۸ توتام ساچ اوزرین‌ده ایجرا ائدیله‌ن دیانای چالیشمالاری، مشهور بسته‌کارین اؤلومونه باغلی یئنی معلوماتلاری اورتایا قویدو
آلمان پیانیست و بسته‌کار لودویگ فان بتهوونین، قاراجییر خسته‌لیگینه یاتقینلیغی اولدوغو و اؤلومون‌دن آیلار اؤنجه هپاتیت ب‌یه توتولدوغو اورتایا چیخدی.
بتهوونین حیرانلارینین خاطره اولاراق ساخلادیغی بیلدیریلن ۸ توتام ساچ اوزرین‌ده ایجرا ائدیله‌ن دیانای چالیشمالاری، ۱۷۷۰.جی ایلده آلمانیادا دونیایا گلن مشهور بسته‌کارین اؤلومونه باغلی یئنی معلوماتلاری اورتایا قویدو.
کمبریج اونیوئرسیته‌سین‌دن آراشدیرماچی قروپون، ساچ توتامیندان الده ائتدیگی ژنومیک بیلگیلر نتیجه‌سینده سیروز خسته‌لیگیندن اؤلدوگو بیلینه‌ن پیانیستین ژنتیک اولاراق قاراجییر خسته‌لیگینه یاتقین اولدوغو و اؤلومون‌دن آیلار اؤنجه هپاتیت ب‌یه توتولدوغو اورتایا چیخدی.
آراشدیرمانی قله‌مه آلان قروپون رداکتورو تریستان بگ، مشهور بسته‌کارین چوخ چوخ الکل ایچمه‌سی ایله بیرلیک‌ده ژنتیک فاکتورلارین قاراجییر راحاتسیز‌لیغینی آلوولاندیرمیش اولابیله‌جگینی ایفاده ائتدی.
آیریجا آچیقلامادا، الده ائدیله‌ن ژنومیک معلوماتلارلا بتهوونین سیندیریم/هضم سیستمی پروبلئملری یاشادیغینین معین اولوندوغو، بونون دا چولیاک خسته‌لیگی و یا لاکتوز حساسلیغین‌دان قایناقلانمادیغی ایفاده ائدیلدی.
ائدیله‌ن آراشدیرمادا، ۲۰لی یاشلارینین اورتالاریندا ائشیتمه سورونو یاشاماغا باشلایان و ۱۸۱۸ ایلینه قدر ده ائشیتمه قابیلیتینی تامامیله ایتیره‌ن بتهوونین ائشیتمه ایتکیسینین قطعی سببی تعیین اولونابیلمه‌دی.
آلمانیاداکی ماکس پلانک ائوریمسل آنتروپولوژی انستیتوسوندان یوهان کراوس، ائدیله‌ن آراشدیرمایا باغلی آچیقلاماسیندا بتهوونین اؤلوم سببینی قطعی اولاراق سؤیله‌مه‌نین مومکون اولمادیغینی ایفاده ائد‌رک، "آنجاق بو مرحله‌ده، جدی درجه‌ده ارثی ریسکلرین اولدوغونو و هپاتیت ب اولدوغونو تصدیقله‌یه‌بیلریک" دئدی.
بتهوون، ۱۸۲۷.جی ایلده وینده حیاتینی ایتیردی.
ایلگیلی‌لی خبرلر
مروه دیزدار ان یاخشی قادین اویونچو اؤدولونو آلدی
سینما دونیاسینین ان اؤنملی فعالیتلرین‌دن ۷۶.جی کن فیلم فستیوالین‌دا اؤدول قازانانلار آچیقلاندی
