خئوپس هرمینده گیزلی بیر گئچید تاپیلدی
هرملر کشف پروژو‌سی ایشلری چرچیوه‌سینده ایجرا ائدیله‌ن قازینتی سیراسیندا خئوپس هرمینین ایچینده ۹ متردن اوزون و ۲،۱ متر گئنیشلیگینده بیر گئچید کشف ائدیلدی
مصرده جیزه هرملرینین ان بؤیویو اولان خئوپس هرمینین (کرال خوفو هرمی) ایچینده، کرالین مزار اوتاغینا آپارابیلجگی دوشونوله‌ن یئنی بیر گیزلی گئچید کشف ائدیلدی.
مصر مطبوعاتین‌دا یئر آلان خبرلره گؤره، مصر توریزم و تاریخی اثرلر باخانی احمد عیسی، خئوپس هرمینین قارشیسیندا تشکیل ائتدیگی مطبوعات کنفرانسیندا، هرملر کشف پروژو‌سی ایشلری چرچیوه‌سینده ایجرا ائدیله‌ن قازینتی سیراسیندا خئوپس هرمینین ایچینده ۹ متردن اوزون و ۲،۱ متر گئنیشلیگینده بیر گئچید کشف ائدیلدیگینی سؤیله‌دی.
مصرلی باخان، کشفین توریزم و تاریخی اثرلر باخانلیغی، تاریخی اثرلر یوکسک شوراسی و قاهره اونیوئرسیته‌سینین یانیندا آمریکا بیرلشمیش دؤولتلری، فرانسا، آلمانیا، ژاپن و کاناداداکی اولوسلارآراسی اونیوئرسیته‌لرین چالیشمالارینین نتیجه‌سی اولدوغونو تیفاده ائتدی.
"مصراوی" آدلی اینترنت سایتینین خبرینه گؤره، پروژه‌یه قاتیلان مصرلی آرکئولوگ زاهی حواس،
"کرال خوفونون مزار اوتاغینین تاپیلابیلمه‌دیگینی دۆشونوره‌م و بو گئچیدین کرال خوفونون مزار اوتاغینی قورودوغونا اینانیرام. داها چوخ سیری اورتایا چیخارابیلمه‌میز اوچون آراشدیرمانی تاماملامامیز لازیم‌دیر" دئیه دانیشدی.
قاهیره اونیوئرسیته‌سی باشقانی محمد الخشت ده یاییملادیغی یازیلی آچیقلامادا، گیزلی گئچیدین ۷ ایل کسینتیسیز چالیشمانین نتیجه‌سینده کشف ائدیلدیگینی ایفاده ائتدی.
مصرده ۴.جو فرعون خاندانلیغی دؤنمینده یاشایان کرال خوفونون آدییلا دا آنیلان خئوپس هرمینین میلاددان اؤنجه ۲۵۶۶-۲۵۸۹ ایللرین‌ده تیکیلدیگی سانیلیر.
دونیانین یئددی معجزه‌سیندن بیری اولان خئوپس هرمی، ۱۴۰ متر یوکسکلیگینده و جیزه هرملرینین ان بؤیوگودور.
ایلگیلی‌لی خبرلر
آماسرا بؤلگه‌سینه گلن کروز گمیسی و توریست سایی آرتیب
بؤلگه‌یه گلن گمیلرین سایینین آرتماسی ایله بو ایل توریست سایینین 60 مینه چاتاجاغی گؤزلنیلیر
