فاطما گیریک حیاتا گؤزلرینی یومدو
اوزون زاماندیر ساغلیق پروبلئملری یاشایان فاطما گیریک ۷۹ یاشیندا حیاتا وداع ائتدی
![فاطما گیریک حیاتا گؤزلرینی یومدو](http://cdn.trt.net.tr/images/xlarge/rectangle/f229/3784/efaf/61ee537721f2c.jpg?time=1722045628)
![fatma girik1.jpg](http://cdn.trt.net.tr/images/xlarge/rectangle/c1a7/6805/8fee/61ee538198dcb.jpg?time=1722045628)
![fatma girik.jpg](http://cdn.trt.net.tr/images/xlarge/rectangle/f229/3784/efaf/61ee537721f2c.jpg?time=1722045628)
یاشیلچامین اوستا اویونچوسو فاطما گیریک، ایستانبولدا معالیجه گؤردویو خستهخانادا حیاتا گؤزلرینی یومدو.
اوزون زاماندیر ساغلیق پروبلئملری یاشایان فاطما گیریک ۷۹ یاشیندا حیاتا وداع ائتدی.
خستهخانادان وئریلهن آچیقلامادا،
"تورک سیناماسینین چیناری و دگرلی اویونچوسو سایین فاطما گیریک کورونا ویروسا باغلی ویرال پنومونی معالیجهسی گؤرمکده ایکن گلیشن چوخلو اورگان یئتمزلیگی نتیجهسینده حیاتینی ایتیردی" دئییلدی.
ایستانبول شیشلی بلدیه باشقانی معمر کسکین ده سوسیال مئدیا حسابیندان وئردیگی آچیقلامادا،
"یاشیلچامین و شیشلیمیزین بؤیوک دگری، محله باشقانلیغی ائتدیگیم دؤنمده بیرلیکده چالیشماقدان غرور دویدوغوم اسکی شیشلی بلدیه باشقانیمیز سئویملی فاطما گیریکی ایتیرمهنین درین کدری ایچیندهیهم" دئیه یازدی.
ایستانبولدا ۱۲ دسامبر ۱۹۴۲ده دونیایا گلن اوستا اویونچو، ۱۹۵۷ده "لکه" فیلمی ایله آددیم آتدیغی سینمادا، ۱۸۰ دولاییندا فیلمده رول آلدی.