آنتالیایا گلن توریست ساییسی ۷ میلیونو گئچدی
یاز مؤوسومونون داوام ائتدیگی سپتامبر آییندا دا آنتالیایا گلن توریست ساییسیندا آرتیش داوام ائدیر
دونیانین ان اؤنملی توریزم مرکزلری آراسیندا یئر آلان آنتالیا، آغیرلادیغی خاریجی توریست ساییسیندا ۷ میلیونو گئچدی.
یئنی نسیل کوروناویروس (کووید-۱۹) سالقینی سببی ایله گئچهن ایلی ۳ میلیون ۵۰۰ مین توریستله بیتیرن آنتالیادا، آشیلاما چالیشمالاری و تاسیسلردهکی ساغلام پاندمی اؤنمللری میوهسینی وئرمهیه باشلادی.
گئچهن ایل ژانویه-سپتامبر آیلاری آراسیندا ۲ میلیون ۵۷۲ مین ۳۱۴ نفرین گلدیگی آنتالیایا بو ایل عینی دؤورده ۷ میلیون ۱۶ مین ۲۷۶ نفر قوناق اولدو.
بو ایلین ژانویه-سپتامبر آیی سونونا قدر اولان مدتده، گئچهن ایلین عینی دؤورونه گؤره خاریجی توریست ساییسینداکی آرتیش نیسبتی یوزده ۱۷۳ اولاراق آچیقلاندی.
یاز مؤوسومونون داوام ائتدیگی سپتامبر آییندا دا آنتالیایا گلن توریست ساییسیندا آرتیش داوام ائدیر.
۲۰۲۰ ایلی سپتامبر آییندا ۱ میلیون ۱۷ مین ۵۶۹ نفرین گزدیگی آنتالیایا بو ایل عینی دؤورده ۱ میلیون ۷۳۲ مین ۲۹۸ قوناق گلدی.
۲۰۲۱.جی ایلده، ژانویه آییندان بو یانا آنتالیایا ان چوخ توریست گؤندرهن اؤلکهلر آراسیندا ایلک سیرادا، ۲ میلیون ۶۹۸ مین ۳۴۴ ایله روسیا یئر آلدی. بو اؤلکهنی ۱ میلیون ۱۰۸ مین ۴۸۶ نفر ایله اوکراینا، ۸۸۴ مین ۸۲۷ نفرله آلمانیا ایزلهدی.