ایران، جاس استونو سینیردیشی ائتدی

ایران، اینگیلیس صنعتچی جاس استونو سینیردیشی ائتدی.

موغنی، سؤز یازاری و اویونچو جاس استون، اینستاگرام حسابین‌دان باش اؤرتولو شکیل‌ده پایلاشدیغی گؤرونتولو مئساژیندا،

"ایرانا گلدیک، گؤزآلتینا آلیندیق و سونرا سینیردیشی ائدیلدیک" دئدی.

بصره کؤرفزین‌ده یئر آلان کیش آداسینا گئتدیگینی بیلدیره‌ن استون، هاوا لیمانین‌داکی یئتکیلیلره، کونسرت وئرمک اوچون دئییل، ایرانی گؤرمک ایستدیگی اوچون گئتدیگینی ایضاح ائتمه‌یه چالیشماسینا باخمایاراق اؤلکه‌یه گیریش ایجازه‌سی وئریلمه‌دیگینی دئدی.

استون، حسابین‌دان پایلاشدیغی مئساژین‌دا، "اؤلکه‌ده یاساق اولدوغو اوچون بیر خالق کونسرتی وئربیلمه‌یه‌جگیمیزین فرقینده ایدیک. شخصاً بیر ایران حبسخاناسینا گیرمه‌یه باییلمیرام یا دا گئتدییم اؤلکه‌لرین سیاستینی دییشمه‌یه چالیشمیرام و اینسانلاری دا تهلوکه‌یه آتماق ایسته‌میرم. گؤرونه‌ن او کی یئتکیلیلر کونسرت وئرمه‌یه‌جگیمیزه اینانمادیلار. بیزی قارا لیست دئییله‌ن بیر لیسته آلمیشلار بونو دا کؤچمن مرکزینه گئدینجه آنلادیق" ایفاده‌لرینی ایشلتدی.

گئجه گؤزآلتینا آلیندیغینی، سحر ده سینیردیشی ائدیلدیگینی بیلدیره‌ن استون، یئتکیلیلرین اؤزونه چوخ نزاکت‌لی و اینجه داوراندیغینی آنجاق یاشادیغی وضعیت اوزون‌دن قلبینین قیریلدیغینی دیله گتیردی.