تورکیه-‌نین تانینمیش آکتیورو انیس فوسفوراوغلو وفات ائتدی

71 یاشلی صنعتچی بؤیوک آدا‌داکی ائوینده کئچیردیگی سکته قلبی‌دن دونیاسینی دییشدی.

فوسفوراوغلو 11 ژوئن ده سکته قلبی کئچیرمیش، 4 گون سونرا ایسه خسته‌خانا‌دان ائوه بوراخیلمیشدی

مشهور آکتیور 1948-جی ایلده ایستانبول-دا آنا‌دان اولوب.

1970 - 1976  ایللری آراسیندا دؤولت تئاترلاری باش ایداره‌سینده فعالیت گؤستریب.

انیس فوسفوراوغلو موختلیف تئاترلارین صحنه لرینده بیر سیرا فیلم‌لرده رول آلیب، اؤز آدینا تئاتر قورا‌راق اوزون ایللر بیر چوخ صنعتکارین یئتیشمه‌سینه کؤمک ائدیب.