ت.ر.ت بالکان اؤلکهلرینده کی مئدیا منسوبلارینا تعلیم وئریر
پایتاخت آنکارادا بالکان اؤلکهلریندن گلن مئدیا منسوبلاری اوچون مئدیا تعلیم-سمینار کئچیریلیر.
تورکیه رادیو تلویزیون قورومو (ت.ر.ت) و تورک امکداشلیق و کووردیناسیون آژانسینین رهبرلیگینین (تیکا) امکداشلیغی ایله بالکان اؤلکهلریندن تورکیه-یه گلن مئدیا منسوبلاری اوچون پایتاخت آنکارادا مئدیا تعلیم-سمینار کئچیریلیر.
تیکا-نین آچیقلاماسینا گؤره، مئدیا تکنیک لری تحصیل پروقرامی چرچیوهسینده (METEP) بوسنی هرزگوی، مونته نگرو، صربیستان و کرواسی-دن گلن 25 نفرلیک ایلک قروپ تعلیم لرینی تاماملایاراق گواهی نامه لرینی آلیب.
مئدیا منسوبلارینا کامئرامانلیق(فیلم برداری)، ایشیق یونتمنلیگی، سس یونتمنلیگی و گورسل مئدیا اینفورماسیون تکنولوژی لری ساحهسیندکی تحصیل پروقراملاری ت.ر.ت بیناسیندا نظری و تطبیقی اولاراق کئچیلیر.
ساحهسینده تجروبهلی معلملرله کئچیلن تعلیملرده تکنولوژینین یوکسک کیفیتلی کامئرالاری ایله تانیش اولان مئدیا منسوبلاری آوادانلیقلارین سئکتورلارا فایدالارینی دا اؤیرنمه ایمکانی الده ائدیرلر.
بو آیین سونونا قدر داوام ائدهجک پروقرامدا کئچمیش یوگسلاوی-نین تقریباً هر بؤلگهسیندن عمومی لیکده 95 مئدیا نمایندهسینین تعلیم- سمینارا جلب اولوناجاغی گؤزلنیلیر.