ایستانبولا جمعیتینه یاخین توریست گلدی
ایستانبولو بیر میلیون دولاییندا ایران‌لی توریست گزدی
ایستانبول ۲۰۱۸.جی ایلده ۱۳ میلیون ۴۳۳ مین ۱۰۱ خاریجی توریستی آغیرلادی.
۲۰۱۷ده گلن ۱۰ میلیون ۸۴۰ مین ۵۹۵ خاریجی تویست ایله مقایسه‌ده شهره گلن توریست ساییسین‌دا یوزده ۲۴ آرتیش اولدو.
ایستانبولا یالنیز دسامبر آییندا ۱ میلیون ۷۷ مین ۹۷۹ خاریجی توریست گلرکه‌ن ۲۰۱۷ده عینی دؤورونه گؤره ده یوزده ۲۱،۳لوک آرتیش قید ائدیلدی.
رقملره گؤره، ۲۰۱۸.جی ایلده ایستانبولا ۱۳ میلیون ۳۹۶ مین ۶۳۷ توریست هاوا یولو ایله گلدی.
۲۰۱۷دهکی ۱۰ میلیون ۸۱۰ مین ۲۵۸ قوناق سایییسلا مقایسه ائدیلدیگینده شهره هاوا یولو ایله گلیشلرده یوزده ۲۳،۹ آرتیش اولدو. ایستانبولا ۲۰۱۷ده دنیز یولو ایله ۳۰ مین ۳۳۷ توریست گلرکه‌ن بو رقم ۲۰۱۸.جی ایلده ۳۶ مین ۴۶۴ه یوک‌سه‌له‌رک، یوزده ۲۰،۲ آرتیش گؤستردی.
۲۰۱۸.جی ایلده گلن خاریجی قوناقلارین میلیتینه گؤره داغیلیملارینا باخیلدیغین‌دا، ایستانبولا ۱ میلیون ۷۱ مین ۶۳۴ نفرله ان چوخ گلنلر آلمانلار اولدو.
آلمانلار توپلام خاریجی قوناقلار آراسین‌دا یوزده ۸لیک دیلیمی میدانا گتیردی.
ایستانبولا ان چوخ گلن دیگر خاریجی توریستلر ایسه سیراسییلا ۹۳۴ مین ۸۶۰ نفرله ایران‌لیلار، ۶۲۸ مین ۵۷۷ نفرله سعودی عربیستان‌لیلار، ۶۱۸ مین ۵۱۱ نفرله روسلار و ۶۰۹ مین ۵۸۹ نفرله عراق‌لیلار اولدو. لیسته‌نین ۶.جی سیراسین‌دا ۴۵۵ مین ۶۰۸ نفرله اینگیلیسلر، ۷.جی سیراسین‌دا ۴۴۸ مین ۸۷۲ نفرله فران‌سیزلار و ۸.جی سیرادا دا ۳۷۰ مین ۱۱۲ نفرله آمریکالیلار یئر آلدی.
