ایرانلی موسیقی قروپو قونیادا
"توربه اؤنو گؤروشمه‌لری" تدبیرینه قوناق اولان ایران مؤولوی درگاهی موسیقی قروپو کونسرت وئردی
مؤولانا جلال‌الدین رومی، وفاتینین ۷۴۵.جی ایلینده قونیادا تؤرنلرله آنیلیر.
"سلام واختی" قونوسویلا حیاتا گئچیریله‌ن مؤولانانین ۷۴۵.جی وصلت ایل دؤنومو اولوسلارآراسی آنما مراسیملری، سککیزینجی گونونونده‌کی تدبیرلرله داوام ائتدی.
هر ایل ۷-۱۷ دسامبردا تشکیل اولونان تدبیرلر چرچیوه‌سین‌ده، "توربه اؤنو گؤروشمه‌لری" تدبیرینه قوناق اولان ایران مؤولوی درگاهی موسیقی قروپو کونسرت وئردی.
سولیستینین محمد عظیمی اولدوغو قروپون فارس دیلین‌ده سسلندیردیگی اثرلره، مراسیملر اوچون کونیادا اولان چوخ ساییدا ایرانلی توریستین یانی سیرا، یئرلی و خاریجی توریستلر ده ماراق گؤستردی.
قونیا بؤیوک شهر بلدیه‌سی مهتر تاخیمی دا مؤولانا میدانین‌دا کونسرت وئردی.
مؤولانانین ۷۴۵.جی قوووشما ایل دؤنومو اولوسلارآراسی آنما مراسیملری چرچیوه‌سین‌ده تورکجه و اینگیلیزجه مثنوی درسلری، کنفرانسلار، تاتر، سؤیله‌شی و شعر کیمی تدبیرلر حیاتا گئچیریلیر.
مراسیملر بویونجا مؤولانا مدنیت مرکزی سماع سالونون‌دا هر آخشام ساعات ۲۰.۰۰ده باشلایان پروگرام‌دا، سولیستینین احمد اؤزحان اولدوغو ایستانبول تاریخی تورک موسیقی‌سی توپلولوغو، اثرلرینی سسلندیریر.
