دده قورقود تورک داستانی یونسکو لسته‌لرینه گیردی
تورک داستانی کیتابی-دده قورقود، دونیا غیری-مادی مدنیت میراثی تمثیلی لیسته‌سینه سس بیرلیگی ایله قبول ائدیلیب
تورک داستانی "دده قورقود"، یونسکونون دونیا معنوی مدنیت میراثی تمثیلی لیسته‌سینا سس بیرلیگی ایله قبول ائدیلیب.
تورکیه مدنیت و توریزم ناظیرلیگین‌دن ائدیلن یازیلی آچیقلامادا، تورکیه'نین بیر مدنیت میراثی‌نین داها یونسکو لیسته‌لرین‌دکی یئرینی آلدیغی ایفاده ائدیلدی.
تورک داستانی "دده کورکودون"، یونسکونون دونیا معنوی مدنیت میراثی تمثیلی لیسته‌سینه سس بیرلیگی ایله قبول ائدیلدیگی بیل‌دیریلن آچیقلامادا، بون‌لار قئید ائدیلیب: دده قورقود (Dede Qorqud/Korkyt Ata/Dede Korkut) میراثی: داستان، ناغیل و موسیقی چوخ میللتلی دوسیاسی اولا‌راق اؤتن ایل مارس آییندا، یونسکو-یا گؤندریلن مدنی میراثیمیز، تمثیلی لیسته'یه 17-جی فاکتور اولا‌راق بو گون اعتباریله داخیل ائدیلیب. موریس جمهوریتی‌نین پایتختی پورت لویس'ده کئچیریلن یونسکونون معنوی مدنی میراثین قورونماسی 13-جی حکومتلر آراسی کومیته ایجلاسیندا تمثیلی لیسته'یه آلینان تورک داستانی، آرتیق بشریتین معنوی مدنی میراثی اولدو. تورکیه، بو قرارلا تمثیلی لیسته'یه ان چوخ فاکتور قئید ائتدیرن ایلک 5 اؤلکه آراسین‌داکی یئرینی ده قورودو".
ناظیرلیگین آچیقلاماسیندا، "دده قورقود: داستان، ناغیل و موسیقی" دوسیاسی‌نین، قازاخیستانین مودراتؤرلوغونده، آذربایجان و تورکیه'نین قاتیلیمی ایله چوح میللتلی اولا‌راق حاضیرلاندیغی بیلدیریلدی.
آچیقلامادا، تورک دونیاسی‌نین یوزلرجه ایل مدنی کیم‌لیگی‌نین داشیییجی‌سی و بیرگه میراثی اولان "دده قورقود" اطرافیندا فورما‌لاشان داستان، ناغیل و موسیقی عنعنه‌سی‌نین، باشدا قوزئی-دوغو اولماقلا تورکیه ایچینده یاشاتدیغی خاطیرلادیلیب.
دده قورقود مدنیتینی یارا‌دان داستان، ناغیل و موسیقی ایچریسین‌دکی دیل‌دن دیله، نسیل‌دن نسیله آختاریلان دگرلرین، تورکیه'نین مدنی یادداشیندا حیاتینی قورویوب ساخلادیغی بیل‌دیریلن آچیقلامادا، بو دگرلرین کئچمیشله بو گون آراسین‌داکی مدنی باغلیلیغین گوجلنمه‌سینه، مدنی داواملیلیغین، عایید و کیملیک آنلاییشی‌نین گله‌جه‌یه داشینماسینا قاتقی وئردیگی وورغولانیب.
آچیقلامادا، تجروبه و دگرلری سرحدلری آشان "دده قورقود" میراثی‌نین، بو باخیم‌دان تورک اؤلکه‌لرده ده بیرلشدیریجی بیر عامل کیمی بؤیوک اهمیت داشیدیغینا ایشاره ائدیلیب.
ناظیر ارسوی'دان "خئیرلی اولسون" مساژی
بو آرادا مدنیت و توریزم ناظیری محمت نوری ارسوی دا توئیتر اوزرین‌دن آپاردیغی پایلاشیمدا، "تورک داستانی دده قورقود موریس جمهوریتندا حیاتا کئچیریلن یونسکونون توپلانتیسیندا معنوی مدنی میراثی تمثیلی لیسته‌سینه سس بیرلیگی ایله قبول ائدیلیب و لیسته‌دکی 17-جی عنصورموز اولدو. خئیرلی اولسون." ایفاده‌سینی ایستیفاده ائتدی.
ایلگیلی‌لی خبرلر
برنارد هیل حیاتینی ایتیردی
اینگیلیس آکتورون اؤلوم خبرینین آردیندان سئوه‌نلری سوسیال مئدیادا کدرلرینی پایلاشدی
